Page 68 - MINISTER ALEX SCHWENGLE - APRIL 8,2015

http://www.24ora.com/local-mainmenu-5/93830-preparacion-andando-pa-pone-prome-piedra-pa-
edificio-nobo-di-cruz-cora-den-luna-d-mei

Food safety ta un topico hopi actual y importante

· Apr 7th, 2015
· Local

Diamars dia 7 di April mundialmente ta celebra “World Health Day” cu e tema “From farm to plate, make
food safe”, manera decreta pa Organizacion Mundial di Salud (WHO). Na Aruba Minister di Salud
Publico, Dr. Alex Schwengle ta desea pa nos comunidad para keto un rato y considera e importancia di
procesamento y produccion di cuminda na un forma sigur, pues cu no tin un efecto negativo riba salud.
Mas di 200 enfermedad ta wordo causa pa cuminda cu no ta “safe”, causa pa bacteria, parasito, virus y
substancianan kimico cu ta dañino. Mas di dos miyon persona ta muri tur aña como consecuencia di
cuminda of awa pa bebe contamina. Esaki ta segun cifranan di WHO. Ta mas cu logico pues cu WHO a
scoge e tema di “food safety”, cu ta un topico tambe bastante actual na Aruba cu e aumento di actividad
y un enfoke creciente di parti di Departamento di Salubridad, y particularmente e Seccion Higiene
(Hygienische Dienst) riba control nan di lugarnan cu ta bende cuminda y bebida na publico general.
Minister Dr. Alex Schwengle a expresa cu kizas “food safety” na Aruba no ta un problema grandi, pero e
falta di disciplina ta un topico cu ta resalta, como tambe e diversidad cultural. E mandatario a indica cu
por wak cu den nos sociedad multicultural por nota cu cada cultura tin un concepto of comprension
diferente di loke ta higiene y sigur di loke ta “food safety”.
El a elabora tocante di e control nan cu Hygienische Dienst ta haciendo, expresando elogio pa nan
trabao. “Nos no ta haci’e pasobra nos tin gana di molestia pueblo of e negociante. No, nos ta haci’e
pasobra nos sa cu nos mester controla pa garantiza pueblo cu loke nan ta come y bebe su contenido ta
bon, e ta safe pa nan pa nan no bira malo”, Minister Schwengle a expresa.
Ademas cu tin un diferencia entre come saludabel y no come saludabel, mester tene cuenta cu hasta
cumindanan cu no ta saludabel por ta mas peligroso ainda si nan no wordo prepara na un forma sigur. E