Page 64 - merged_Neat

Dos douanero femenino suspendi sospecha di corupcion

Publication: Monday, 23 March 2015. Categoria: Policial

ORANJESTAD (AAN): Dos miembro di cuerpo di Douane a keda suspendi pa sospecho di
incumplimento den nan funcion.
Un di nan tin alrededor di 7 aña di dienst y otro ta un di e miembronan nobo cu a cuminsa traha den e
ultimo grupo di Douane.
Nan tabata trahando na e parti pazuid unda avionnan priva ta baha.
Un pasahero cu lo a yega cu mercancia lo a keha nan na balie.
Ta un caso cu ta andando pa basta tempo caba.
Di aña pasa e caso lo a sosode of e pasahero a bay keha nan.
Ta e siman cu a pasa a drenta un carta unda ta notifica e dos miembronan di Douane cu nan ta wordo
prohibi pa drenta tur area di trabou.
E investigacion ta uno caminda ta sospecha nan di a tuma placa for di un pasahero pa laga su mercancia
pasa bay.
E pasahero , aparentemente venezolano, lo a bin cu cosnan cu mester a paga un impuesto halto riba
nan.
Ta wordo menciona cu e pasahero sea a wordo ofreci pa paga of riba su mes kier a paga e miembronan
di Douane pa su cosnan pasa.
Ta wordo menciona un suma di mas cu 2000 dollar.
Ora e pasahero Venezolano aki a termina cu su proceso di Douane el a sali y bay keha mesora na e balie
pafo.
Eynan e cos a cuminsa cana unda awe e empleadonan aki ta sospechoso door di corumpi cu nan trabou.
Mester bay averigua si ta berdad e dos empleadonan aki a tuma placa. Ta basta pasahero Venezolano ta
pasa via e entrada aki diariamente. Tin hopi pasahero Venezolano cu ta gusta bin cu storianan tambe.