Page 67 - merged_Neat

No obstante Polis y Paramediconan a haci nan best tog Turista a hoga na
Arashi
Publication: Saturday, 21 March 2015. Categoria: Policial

ORANJESTAD(AAN): Un oficial di Polis cu tabata pasando Diabierna atardi 4’or den e birada
panort di Boca Catalina, a bin haya notificacion cu abordo di un Catamaran ancra algun meter
leu di tera, tin un turista masculino cu a bira hopi malo.
Tin un tiki confusion riba e informe original, pero tin persona cu a bisa cu e turista aki a bira
malo, sali cay for di e Catamaran den lama.
Ora cu nan a sake di lama, e no tabata reacciona, y asina a cuminza na practica CPR riba dje.
E oficial di Polis mesora a solicita yudanza di mas Polis y tambe Ambulans, y e mes a subi boto
pa bay riba e Catamaran, y aki tambe e agente Policial a yuda cu CPR.
Cu urgencia personal di ambulance a bay duna asistencia ora a drenta informacion cu tin un
hende hogando.
Ora cu Ambulans a yega, e ora a pone e victima den e boto chikito, y a bin tera cune. Durante e
careda aki a sigui haci CPR riba dje.
Unavez na tera, Paramediconan a tuma over door di sigui cu CPR, pone Heart Monitor na su
curpa, y cuminza pone algun infuus pa yuda curazon bati bek.
E famia di e turista tambe a bin na tera, y nan tabata sumamente desampara.
Un unidad mas di Ambulans a yega, pa asina hunto a sigui traha cune. No obstante cu a haci
CPR y tambe usa defibrilator, tog no a logra reanima e victima.