Page 70 - merged_Neat

Ulrich Pardo deteni den Mandolinstraat
Publication: Monday, 23 March 2015. Categoria: General
Sospechoso den caso di morto di Lalo Webb

ORANJESTAD (AAN): Diadomingo algo pasa di 3:00pm a tuma luga un detencion den
Mandolinstraat na Dakota. E ekipo di Polisnan cu ta observa sospechosonan na un dado
momento a topa cu e sospechoso cu nan ta buscando pa cual a solicita pa patruyanan yega cu
urgencia.
Tanto patruyanan di Oranjestad y e Team di Aresto a yega mesora na e sitio y a detene e
sospechoso y hibe Warda di Shaba na Noord. Net el a baha for di auto segun e famia y nan a
tende algun grito den direccion di e sospechoso. Nan a bise pa hisa su man na halto y drumi
abou. Locual el a haci tambe.
Ta trata di Ulrich Pardo di 23 aña kende ta bibando den Mandolinstraat. E mama ta duda cu su
yiu por ta envolvi den e tiramento mortal. E tin Amistad si cu un di esnan biba na Meiveld cu a
keda deteni diasabra pero no directamente e tin link cu e matamento. Asina mes el a keda deteni
y kizas por tin informacion crucial pa soluciona e caso.
http://www.diario.aw/2015/03/ulrich-pardo-deteni-den-mandolinstraat/