Page 66 - merged_Neat

Motociclista a sali duro dilanti aeropuerto y a accidenta
Publication: Monday, 23 March 2015. Categoria: Policial

ORANJESTAD (AAN): Diadomingo anochi a sosode un accidente basta serio y e tin di haber
tambe cu coremento iresponsabel di un coredor di brommer. El a caba di traha den careda di 7or
y a sali subi su brommer potente para den e area pariba di car rentalnan.
El a ranca sali masha duro mes pero algun meter mas pariba e brommer no a para. Sea e no por a
controla e brommer of algo a bai robez cune. El a dal masha duro mes den acera y el a bai halto
cay riba caminda. E brommer a sali manera un avion bai halto y durante cu esey tabata sosode el
a bai dal un luz tog basta halto cu ta ilumina e borchi un poco mas pariba. Djey e brommer a
keda benta den e mondi of monton di yerba grandi cu tin.
Polis y ambulance a presenta mesora. Paramediconan a saca un man tambe pa yuda e victima cu
tabata keha di dolornan fuerte. Ta mustra cu ta su lomba of su heup ta afecta cu e golpinan. Den
un forma profesional e paramediconan a logra bira e victima y fahe riba brandcard. Coleganan
mes a drenta mondi mesora pa asina ranca e brommer cu a keda benta. Tin basta daño riba e
brommer.
Algun colega cu kizas no tabata tey tabata bisa cu e brommer no tabata coriendo duro. Otronan
cu si a mira a conta cu el a sali masha duro bai ariba y dal te cu e brommer mes a sigui bai halto
dal e luz di e borchi cu ta algun meter halto.
http://www.diario.aw/2015/03/motociclista-a-sali-duro-dilanti-aeropuerto-y-a-accidenta/