Page 2 - AWM 4APRIL,2016
P. 2
2 AWEMainta Dialuna, 04 April 2016
Polisnan formando carera
Cuerpo
Policial a
yama bon
bini na 18
“Brigadier
van Politie”
PA SUBI di rango ta nifica mayor
responsabilidad. Esaki ta loke Alto
Comisario di Polis, mr. Adolfo “Dolfi”
Richardson a expresa, na momento
di otorga e decreto gubernamental na
un klas cu a caba nan estudio na nivel
M.B.O pa e rango di “Brigadier van
Politie”.
El a splica cu tabata un honor pa entrega
decreto na e klas, cu a sigui un estudio
di un total di 4 aña. Na momento cu un
aspirante drenta Scol pa Polis, despues
di 2 aña di estudio e ta bira Polis
completamente gradua y mester studia
dos aña mas pa logra su diploma di
M.B.O pa yega na e rango di Brigadier.
Alto Comisario a subraya e hecho cu
e rango ta bay man den man cu mas
responsabilidad, no ta solamente cu
nan ta subi di rango, como tambe lo bay
exigi un tiki mas di nan como Brigadier
van Politie.
E grupo di 18 Polisnan cu a ricibi nan
decreto gubernamental como Brigadier
van Politie ta: Alvarez Cortes, P.A, Van
der Biezen G.J, Connor Aldrick Y.D,
Courtar Jamal V.K, Da Silva Ender
M, Dirksz Wendeline E, Krozendijk
Wimbomar L., Martis Raysell G,
Schwengle Jean-Claude J-A, Solognier
Stephanie S, Tremus Munzanin M.E,
Tromp Jennysela R, Vos, Otto A,
Werleman Jarzinho J, Yarzagaray
Gilbert J, Zara Elvin-Jon A y Carrera M.
Un palabra di pabien ta bay na tur e
graduadonan y hopi exito ta den nan
rango nobo.
