Page 27 - AWM 4APRIL,2016

AWEMainta Dialuna, 04 April 2016 27

Diasabra awor Addonsito y
George ta presenta

Voz di Kiniki
2016 den Cas
di Cultura

DIASABRA awor 9 di april 2016 ta tuma lugar e di dos

edicion di “Voz di Kiniki” Festival.
Voz di Kiniki 2016 t’e festival den cual e participantenan
infantil/hubenil ta competi cu cancionan nobo na
Papiamento cu e ritmo di merengue.
Festival VDK 2016 ta ser dedica na cantante y compositora
Susan Kelly-Boekhoudt, kende for di chikito ta activo
participando y stimulando e cultura musical di Aruba
den un forma excepcional.

Addonsito Croes como George Winterdaal ta sumamente
agradecido na cada mayor di e participantenan cu a pone
nan confiansa den nan organisacion pa nan logra algo
bunita diasabra awor.
E guia musical ta den man di e musico y cantante
Ronwayne Kock.
E participantenan ta: Jaydienne Croes; Rowin Kock;
Alysee Bernabela; Xenon Orfao; Nayella Thijssen;
Ishmael Densey; Rakesh Persaud; Mia & Jeshua Mc
Collum; Javion Smith; Tyrcianne Ras; Joviane Smith;
Alysa Bernabela y Zhaisky Kock.

Lo tin presentacion di Diamond Dance, Xenon Daal y
Jasi-Ann Croes.
Danki pa tur premio y sosten. Pa mas informacion pa
tickets por contact mayornan di nos participantenan of
por yama 560-2626 of 561-6151.
E festival ta cuminsa 3:00 y ta caba 7:00. E lugar ta Cas
di Cultura y porta ta habri 2:30.