Page 23 - AWM 4APRIL,2016

AWEMainta Dialuna, 04 April 2016 23

Dentista Christine Bellmann di Practice for DIANAN di 8 pa 10 di april proximo, “International
Advanced Dentistry
Dental Exhibition y Meeting” (IDEM) ta tene
Ta duna lectura su Congreso Anual, cu tur aña ta tuma lugar na
na Congreso Singapore.
Internacional IDEM t’e Conferencia di Dentista mas popular den
di Dentista na region di Asia; unda miles di e ‘top class’ dentista
Singapore profesional renombra lo participa.
Durante e dianan aki e profesionalnan den odotonlogia
lo por atende diferente workshop y lectura manera
e.o. topiconan pa detecta malesa di djente, prevencion
di malesa, preservacion di dentadura y alabez lo tin
e oportunidad pa sera conoci cu inovacionnan den
mundo di odotonlogia.
Tambe lo tin mas di 500 exhibicion di productonan y
tur locual tin di haber cu odotonlogia di 37 pais rond
mundo.

Dr. med. dent. Christine Bellmann a ser elegi pa duna
un lectura n’e Congreso Internacional di Dentista na
Singapore e aña aki.
Dr. Bellmann ta un dentista cu ta traha na Practice
for Advanced Dentistry, situa na Bubali; hunto cu
drs. Henk Marsman y drs. Mike de l’Isle. Hunto nan
ta comparti mesun vision den odotonlogia y ta forma
un tremendo team.

Dr. Bellman a nace na Alemania y el a haci su studio
den odotonlogia y a gradua na Alemania. Prome
cu el a bin establece y traha na Aruba, el a traha na
diferente clinica di dentista renombra den varios pais
na Europa.
Durante e Congreso Internacional aki, dr. Bellman
lo comparti su conocemento y experiencia den
odotonlogia cu e ta practicando den e clinica Practice
for Advanced Dentistry, cu coleganan dentista
renombra rond mundo y tambe lo propaganda Aruba.

Tur aña dr. Bellmann ta atende un gran cantidad
di congreso postgrado y cursonan rond mundo.
Asin’aki e ta keda al tanto di e ultimo tecnologia y
desaroyo den e industria di odotonlogia y ta trece e
conocemento aki na Aruba pa su pashentnan.
Dr. Bellmann alabez ta duna lectura na varios
congreso internacional riba un base regular; el a
yega di duna lectura na diferente ciudad manera:
Istanbul, Bangkok, Hong Kong, Cologne y e aña aki
na Singapore.

“I am very much looking forward to attend and lecture
at the dental congress in Singapore this year. It is
one of the biggest international dental get-together’s
worldwide and I am looking forward to meet with
colleagues from all over the world to exchange and
gain knowledge and implement those in my practice
in Aruba”, dr. Bellmann a bisa.
Gerencia y personal di Practice for Advanced Dentistry
ta masha orguyoso cu un di su dentistanan a ser scogi
pa tene un lectura na IDEM.
Esaki ta un tremendo oportunidad pa comparti su
experiencia cu dentistanan renombra rond mundo y
alabez promove nos dushi isla di Aruba.
Gerencia y personal di Practice for Advanced Dentistry
ta desea dr. Christine Bellmann hopi exito.