Page 8 - AWM 4APRIL,2016

8 AWEMainta Dialuna, 04 April 2016

Rene Herde’

Energia
renovabel
ta mihor
pa nos

“ENTRE e temanan mas importante pa futuro di nos

pais, e tema di energia ta keda den top. E fuente di
energia cu nos lo uza pa haya coriente pa nos cas, scol,
negoshinan, lo determina e prijs cu nos tin cu paga.
E prijs lo determina kico nos lo haci y keda sin haci
como pais y como individuonan. E lo determina nos
calidad di bida.
Pesey nos mester sigui tuma desicionnan crucial awor,
riba con nos lo sigura coriente pa Aruba awor y den
futuro.
Pero tambe con nos lo sigura e mihor prijs posibel.”
Esey Rene Herde’, lider di e fraccion di AVP den
Parlamento a bisa.

Siman pasa el a indica caba cu den AVP nan tin
custumber di wak padilanti y busca solucionnan pa
futuro di nos pais.
Den partido ta haci esey mientras cu den Gobierno y
den Parlamento ta atende cu e temanan actual. Rene
Herde’: “Anto e forma cu nos ta atende cu asuntonan
actual den Gobierno y Parlamento, ta pone nos pensa
mes ora tambe con ta mihor pa atende cu temanan
importante den futuro.
Cada les awe ta un experiencia pa uza den futuro. Ta
ainda nos ta mehora maneho cu experiencia y prepara
e siguiente generacion pa sirbi nos pais mihor den
futuro.”