Page 42 - MIN ON 2 NOV 2015

48 Djaluna 2 Novèmber 2015

Kontinuashon di pag. 14
UN MAMA

di wak su yu dos biaha
pa siman, un ora i mei i den
presensia di un personal
di GVI. Pues Hilda no tin
ni un sekònde su so ku su
yu. Pero esaki ta e tòp di e
seru di eis, pa motibu ku e
loke ku Hilda ta pasa aden
i e lucha ku e ta hibando,
ta parse ku no tin fin pa
motibu ku e ta su so pará.

E echo ku den pasado
Hilda a keda maltratá dor
di su èks kasá i sa kon
agresivo e hòmber aki ta
bira ora e rabia, Hilda no
ta duda ku su yu tambe ta
keda maltratá. Hilda

tin algun foto di e yu
ku vários marka blou na
su kurpa ku médikonan
a bisa ku ta markanan
di resultado di gòlpi nan
ta, pero ta parse ku niun
instansha no ta tuma e
loke Hilda trese dilanti na
serio.

Tin hopi keho na warda
di polis Montaña, den
pasado di maltrato, pero
tur kos a keda te aki, nada
no ta bin afó.

E markanan na kurpa di
e yu, ta bisa ku ta di futbòl
nan ta, pero Hilda no ta
kere nada di e kos ei.

Ku tur e evidensia nan
ei, di foto di maltrato,
karta di dòkter, karta di
sikiátriko ku ta indiká
ku Hilda no ta un hende
ku problema mental, tòg
GVI ta traha un konseho
negativo pa Hilda ku e
konsekuensia ku hues ta
duna e tata e yu.

Hilda su pregunta ta,
unda hustisia di un mama
ku a pasa doló pa haña su
yu ta keda. Kiko el a hasi
pa e meresé e trato aki.

Hilda a enfatisá, ku e no
tin interes den su èks kasá,
ni kiko e ta hasi ni ku ken
e ta kasá, e úniko kos ku
Hilda ke ta su yu.

Su èks kasá a kasa
despues i a haña dos yu
ku su otro kasá, dikon ta
kita Hilda su úniko yu for
di dje i duna e hòmber e yu
kaminda ku e tin dos ku e
otro kasá.

Hilda no por saka su
yu for di su kabes i no por
sosegá te ora e haña su yu
bèk. Pero dia pa dia esaki
ta parse di ta mas difísil
den e sistema hurídiko ku
nos konosé.

E úniko kos ku Hilda ta
pidi, su yu bèk i un abogado
ku realmente ke sali na
defensa di inhustisia.

Tin un kaso awor aki
andando i korte lo mester
dikta fayo dia 27 di
novèmber benidero.