Page 17 - Minister Otmar Oduber
P. 17
2 AWEMainta Diamars, 22 December 2015
Un multitud a sostene e evento bunita aki na Linear Park
Minister Oduber a anuncia cu otro
aña Festival di Dande lo tuma lugar
na Plaza Betico Croes
FESTIVAL di Dande a kibra tur expectativa y un multitud a sa di
yega Linear Park pa sostene nos tradicion musical.
Minister di Cultura, Otmar Oduber a indica cu hopi orguyo cu e fin di
siman aki tabata uno hopi special unda nos musica, nos tradicionnan
y nos cultura a resalta entre chikito y grandi. E decision di organisa
Festival di Dande prome cu Pasco y na Linear Park cu entrada gratis
a resulta un exito total. E combinacion di Pasco den paraiso hunto cu
Festival di Dande a atrae un multitud masha grandi cu a disfruta di
diferente aspecto tipico di nos isla.
Loke e mandatario ta resalta tambe, fuera di e cantidad di hende cu
tabata presente, ta e hecho cu por mira cu e diferente generacionnan
ta sigui carga nos dande y ta haci’e di curason, presentando diferente
cancion cu hopi inspiracion.
Diadomingo anochi tabata e anochi final y Minister Otmar Oduber
a probecha e ocasion aki pa gradici y felicita tur participante y
naturalmente Harry Croes y e comite organisador p’e evento exitoso.
Tambe el a anuncia cu otro aña e Festival di Dande lo wordo realisa na
Plaza Betico Croes cu lo ta totalmente renoba den cuadro di celebracion
di 30 aña di Status Aparte y 40 aña di nos Himno y Bandera. Publico
presente a sostene e anuncio haci pa e mandatario totalmente.
Minister Oduber desde inicio a sa di sostene nos Festival di Dande
totalmente y a inica cu el lo sigui haci esaki y ta contento di por
mira con atrabes di esaki ta traspasando nos cultura na e siguiente
generacion.
Minister di Cultura a ricibi un bunita obra di arte den forma di cunucu
como gradicimento pa su contribucion na Festival di Dande.
