Page 19 - AM
P. 19
AWEMainta Diaranson, 29 Juli 2015 19
Personal y clientenan di OFICINA Auxiliar di Gobierno den Bario di Noord ya tin
Hulpbestuurskantoor Noord ta
algun dia caba ta operando for di su sede nobo den edificio
Contento cu di MFA Noord.
Director sra. Gerlinda Duplessy Croes a duna di conoce cu e
MUDAMENTO comentario di su personal y di e usuarionan ta sumamente
positivo. Asina mes, ainda tin personanan cu no a tuma nota
pa edificio di MFA di e cambio di lugar y kier a pone enfasis riba esaki.
A tuma e personal dos dia pa muda p’e edificio nobo y danki
n’e plan y preparacionnan haci, e proceso a cana di manera
sublime.
Ya pa diabierna 17 di juli, a atende e prome clientenan den
edificio di MFA dilanti di Centro di Bario Noord. Orario y
servicionan cu ta brinda a keda mescos. E balienan pa publico
ta habri for di 7’or y mey di mainta stret te 3’or di atardi.
Cu amplio parkeerplaats y entrada banda di Warda di Polis,
habitantenan di districto di Noord, becindario y henter Aruba
por acudi pa haci pago di recibonan di WEB, ELMAR y Setar.
Tambe por busca documentonan di Censo y haci pagonan di
Serlimar. Pronto conexionnan tecnico pa pago cu carchi di
Debit ta bay keda cla, segun e Director a duna di conoce. Esey
lo trece un facilidad mas p’e clientenan cu kier swipe.
Ademas di espacio mas grandi y un ambiente mas agradabel,
tin otro aspecto cu ta influencia positivamente e animo di e
personal di Oficina Auxiliar di Gobierno na Noord.
Esey t’e e entrenamento y motivacion ricibi recientemente.
Director sra. Duplessy Croes a splica cu: “Empleadonan ta
contento di ta den e edificio nobo y animo ta halto. Tabata
un bon curso cu a wordo aplica di inmediato y ta ripara e
cambio.”
Di parti di e clientenan por aprecia cu nan ta sinti nan mes
mihor ora ta drenta pa busca servicio. “E comentarionan
ta hopi positivo indicando cu e lugar ta grandi y bunita y
adecua,” asina e Director di e departamento publico a bisa.
Ademas di tur beneficio di e edificio mes y di departamentonan
cu pronto lo bin den dje, tambe tin facilidad di un ATM pafo
cu ta util na cualkier ora di dia.
