Page 5 - AHATA

Diahuebs, 16 November 2017 AWEMainta 27

Amsterdam Manor Beach Resort cu un solucion sostenibel pa

Cuminda di restaurant cu ta sobra

MANERA t’e custumber, Amster-

dam Manor Beach Resort ta sigui man-

tene su dedicacion pa duna e mihor nivel
di servicio na su clientenan y na mesun

momento nan ta sigui persevera pa mustra
nan compromiso cu nos medio ambiente.

P’e motibo aki Passions on the Beach, un

di e restaurantnan di mas popular y mas
romantico di Aruba, a dicidi di contribui

n’e cuido di nos planeta y pesey e restonan

di cuminda no ta bay perdi n’e restaurant
aki.

Hopi di e biaheronan actual ta tene na
cuenta e factornan sostenibel di e indu-

stria di turismo, nan ta gusta disfruta di
nan vakantie y na mes momento sinti cu

nan tambe por contribui na minimiza e

‘environmental footprint’ di nan estadia
na un destino turistico.

Cuminda ta un parti esencial di sostenibili-
dad y pesey gerencia di Amsterdam Manor

Beach Resort a acorda hunto cu ‘Cunucu

Aruba Dushi Tera’ pa piki e cuminda pa
nan alimenta nan porconan.

Di e manera aki por haci un uzo sostenibel

di e cuminda cu ta resta na Passions on the
Beach, cu ta rond di 100 kg pa dia.

Cunucu Aruba Dushi Tera ta un cunucu
cu ta opera den un forma sostenibel, nan

ta planta diferente berdura, yerbenan, y
tambe nan ta produci webo cu ta ser bendi

den supermercadonan local y ta ser cata-

loga como productonan organico.
Entre e bestinanan cu e cunucu ta cria tin

porco, cabrito, lamchi y galiña. Diferente
lavanderia y otro compañianan ta duna

nan awa uza y asina aki nan ta muha nan

matanan.
Den e potretnan por aprecia parti di Cu-

nucu Aruba Dushi Tera.