Page 83 - MIN VOS

Lotto ta felicita Jason Kock cu a triunfa den e FEBIAR
Campeonato Nacional Bola 9

Thursday, 11 May 2017 17:18
Comparti

E FEBIAR Campeonato Nacional Bola 9 den e deporte di biyar a culmina diadomingo unda e ganadornan
di e torneo a keda conoci. Ya for di diabierna un cantidad grandi di hungador a entrenta otro den e
rondanan preliminar unda un total di ocho hungador so e sigui pa e buelta final of e single knockout riba
diadomingo.

Mester bisa cu Febiar a dicidi di usa un otro formato pa loke ta e ronda final unda e hungador cu cay
venci no por continua y ta afo. Mas cu claro esaki ta haci cu cada wega riba su mes ta un final paso a lo
largo tur hende ta hunga cu e mesun obhetivo esta di bira e campeon overall. Un decision pa ora nos
atletanan di biyar hunga torneonan internacional, mentalmente nan ta fuerte prepara. Pa loke ta e
resultado final di e campeonato nacional Bola 9 e campeon a resulta Jason Kock mientras na di dos lugar
a keda Jorzhino Everon. Na di tres cu di cuater lugar nos a haya Mark Farro y Emil Kock mientras
esnunan cu e termina di 5 pa di ocho lugar tabata Richard Wolf, Elvis Evertsz, Jorge Petrocchi y Ryan
Kock. Den 2017,un di e exigencianan pa representa Aruba den Exterior, e hungadornan lo mester cumpli
cu atende tres torneo Nacional y tres torneo di Clasificacion. Aki e ganadornan lo keda defini cu e
hungadornan cu mas punto overall. Nan lo tin e oportunidad di representa Aruba dignamente den
exterior. E proximo evento di FEBIAR lo inicia ta 20 di mei cual lo ta un qualify bola 9, cuminsando pa
1:30 na POVA Club. Un danki sigur na Lotto, e Loteria di Aruba pa medio di Comision di Subsidio cu a
yuda subsidia e campeonato nacional di FEBIAR. Cumprando weganan di Lotto, e Loteria di Aruba bo ta
contribui na deporte riba nos isla. Meta di e fundacion ta pa organisa loteria, cambia bida di su
hungadonan y na mes momento inverti den deporte local pa medio di donacionnan na e Comision di
Subsidio.