Page 80 - MIN VOS

E di 11 edicion di e Stingray Challenge lo ta e weekend aki na
Piscina Olimpico Roly Bislik

Thursday, 11 May 2017 17:15
Comparti

Den e fin di siman benidero, Stingray Swimming Team of Aruba lo ta organisando nan competencia
anual di landamento cu e 11th Annual Stingray Challenge Swimming Competition esaki na Piscina Roly
Bislik na Savaneta.

Henter e weekend benidero Aruba lo ta den gara di bon nivel di competencia den e deporte di
landamento unda nos mihor landadonan lo bataya pa e premio maximo contra e miho landadonan
procedente di Surinam, Boneiro y Corsow. Riba diabierna lo inicia cu e parti di e ceremonia di desfile
esaki pa 7or di anochi, mientras pa 7.30 exacto e competencia mes lo start. Pa su mañan diasabra lo
cuminsa cu e competencia den oranan di mainta esaki pa 9or cu e prome rondanan mientras pa 6ordi
atardi lo landa e finalnan. Diadomingo lo ta e ultimo dia di competencia cuminsando pa 9or di mainta
mientras pa 1or di merdia lo haci entrega di premionan na e teamnan ganador. E categorianan den cual
lo competi ta 6 & under, 7-8, 9-10, 11-12, 13–14, y 15 y open. Por ultimo e competencia lo ta bou encargo
di nos refereenan, huradonan y timekeepers certifica pa FINA.

Den e ultimo anjanan e competencia di Stingray Challenge a bira masha popular unda tur club di Aruba
ta participa mientras esnan di exterior semper a bini Aruba y asina engrandese e evento di landamento.
Un danki sigur na Lotto, e Loteria di Aruba pa medio di Comision di Subsidio cu a yuda subsidia parti di
e Stingray Challenge Swimming Competition organisa pa Stingray Swimming Team of Aruba.
Cumprando weganan di Lotto, e Loteria di Aruba bo ta contribui na deporte riba nos isla. Meta di e
fundacion ta pa organisa loteria, cambia bida di su hungadonan y na mes momento inverti den deporte
local pa medio di donacionnan na e Comision di Subsidio.