Page 76 - MIN TTC

Minister Otmar Oduber riba Dia di Betico a enfoca riba union y respet
Publication: Tuesday, 26 January 2016. Categoria: General

ORANJESTAD (AAN): Dia 25 di januari Aruba henter a celebra Dia di Betico y riba Plaza
Betico Croes a tuma lugar e acto protocolario unda Gobernador, mandatarionan,
parlamentarionan, famianan di Betico y otro invitadonan a reuni pa rindi homenahe na e gran
estadista aki, cu a celebra 78 aña si el lo tabata na bida.
Minister Otmar Oduber, como titular di Cultura a presenta un discurso elocuente unda dos
palabra a resalta: Union y Respet.
E celebracion di Dia di Betico, unda tur aña ta para sea como Gobierno of oposicion hunto, e aña
aki ta mas special pasobra e ta marca den historia como e di 30 aña di nos Status Aparte.
“Na un Plaza Betico Croes bou construccion nos ta para hunto y ta recorda cu e personahe aki
grandi aki den nos historia semper a considera e aspecto di union uno hopi importante. Union ta
cuminsa na nos mes y pesey e historia cu ta worde marca un biaha mas unda cu ta para na un
plaza caminda un gobierno cu no necesariamente ta di e signatura cu e partido cu Betico a lanta,
ta esun cu ta percura pa e renobacion, reconstruccion y mantencion di e plaza aki. Loke ta
importante ta cu ta percura pa mantencion di e historia aki. No ta importante kendenan ta sinta
den e stulnan di gobernacion, loke ta importante ta pa sigui di berdad e palabra di union. E
palabra no mester ta pa boca y pa pafo di comunidad, pero e ta un palabra cu mester biba den
curazon di cada un Arubiano. Na momento cu nos ta celebra Dia di Betico, na momento cu nos
por ta celebra un otro fiesta nacional, pero tambe pa e grandinan, lidernan cu kisas no tin un dia
cu nos ta celebra nan dia pero cu e union ey cu nos mester por reflexiona, riba e trabao grandi cu
cada un di nan a haci”.
Minister Oduber a sigui bisa cu Glenbert Croes a menciona Shon A Eman, Henny Eman y
Juancho Irausquin. Tur aña ta para y ta menciona tur e gran lidernan aki mas hopi otro cu por ta
no ta haya e reconocimento, pero sin e ayudo di cada un di nan cu tabata rond di e lidernan