Page 78 - MIN TTC

“Tabata bal la pena inverti den e union aki”

Publication: Tuesday, 26 January 2016. Categoria: General
Prome Minister Mike Eman riba e disputa cu colega minister:

ORANJESTAD(AAN): Como lider di e Gabinete aki, Prome Minister Mike Eman, a comenta cu
tabata hopi importante pa a duna atencion na un forma sereno, na un forma di respet pa locual
minister Oduber a trece pafo pasobra no ta facil pa un hende manera Minister Oduber a bisa den
hopi ocasion, cu ta un persona ferviente di un organizacion politico, ta forma parti esencial di un
gobernacion y ta sali pafo pa duna opinionnan cu ta trece cierto tension.
Prome minister sigur a realisa, pero tambe como lider di partido, colega y partido di hopi aña, a
realisa cu aki ta trata di algo cu tin cu pasa den e proceso, manera cu a pasa aden, cu e respet pa
duna cada un di e temanan aki, e atencion, pasobra no ta un cos cu ta haci sin mas, sigur
conociendo Oduber su dedicacion na e organizacion politico, cu no ta algo cu a haci di dia pa
anochi.
Por tin hopi discusion riba algo asina sosode, pero como pesona para responsabel pa e coherencia
di e maneho, pa formacion di e gabinete aki, pero tambe como lider di e partido, cu conoce cada
un di su integrantenan, esaki ta un integrante solido, semper den partido, mas aña cu prome
minister mes, activo riba lista. Tempo cu e tabata activista di e partido, a yuda convenc’e pa bay
riba lista.
Prome minister ta contento cu a atende e forma cu a scoge pa atende cune. Na momento cu esaki
a sosode, e tension tabata grandi. No tur hende ta wak e situacion mescos.
Eman a guia partido y e gabinete pa mira e situacion aki como uno cu tin cu inverti den busca e
avenida di solucion a base tambe di e relacion di hopi aña cu tin y pasa riba e diferencianan pa
busca e metanan comun cu tin cu Eman a duda nunca cu tin y door di a acerca e situacion asina,
door di curason tambe, cu sr. Oduber tin pa partido, pa e pais aki, cu e devocion cu tur e
coleganan tin tambe, pa sirbi e pais aki, pasobra tur e miembronan di e gabinete, tur tin comun cu
nan kier sirbi e pais aki, nan kier pa Aruba na periodo di gobernacion cada biaha ta mihor para,
ta mas feliz cu miho resultado.