Page 77 - MIN TTC

grandi aki cu nos ta recorda tur aña no por a logra. “Awe nos ta para akinan y ta reflexiona riba e
30 añanan cu a pasa y e bunita edad cu Betico lo tabatin awe cu ta 78, pero nos lo mester ta
tambe pensando riba otro formanan con nos lo por yega padilanti.

Ban corda e palabranan union na un forma cu nos por bibe, cu cada un di cu curazon den nos
man por bisa ora nos bin na cada un di e plazanan aki cu nos kier e refleho aki den cada un
ciudadano, pa ta un ciudadano humilde cu nos a logra di worde forma y lanta pa nos famia. Pa
cada un cu ta biba riba e pida baranca aki, corda cu e simia di ta un Arubiano ta di stima otro, ta
di berdad di tin un man semper cla pa sali y duna ayudo na otro. Laga nos corda cu cada un
persona den simbolo di union ey cu nos ta papia di dje riba dianan manera awe, mester por sa di
stima y respeta otro pa lo cual ta opinion, pa lo cual ta creencia, sin importa manera Betico mes a
bisa, di unda bo por ta, si ta di Playa of di San Nicolas, si bo ta di Santa Cruz of di Paradera of di
cualkier districto di Aruba, no ta importa ki religion bo tin, si ta Protestant, si ta Catolico, no ta
importa ki color bo tin. Y ora el a bise el a bise tambe pasobra no ta importa ki color politico bo
por ta representa, pasobra tur hende ariba e pida baranca aki ya for di añanan 40 a percura pa
pone nan lucha, pa pone nan firma, pa por a inicia e proceso unda otro lidernan, definitivamente
un Betico a percura y a carga e apodo tambe como e libertador di nos pais”.

Finalizando Minister Otmar Oduber a bisa “Laga e mensahe awe riba Dia di Betico ta uno cu nos
no ta papia bunita akinan para of den e dianan cu ta bin pero laga nos bibe den nos curazon. Laga
nos discuti riba fundamentonan, riba lo cual ta cambia bida di e proximo 30 añanan ora nos
tambe kier wak nos yiunan en berdad y nos nietonan akinan. Laga nos uza e palabra di union ey
pa enberdad determina felicidad di cada un ciudadano cu anos tin e responsabilidad pa por
percura pa nan futuro awe. Riba Dia di Betico aki laga nos enfoca riba e union ey, riba union di
stimacion, union di respet, e union pa nos por ta ainda mas e Arubiano humilde y respeta manera
semper nos tabata. Feliz Dia di Betico pa henter nos comunidad y pa nos por uni pa nos por haci
di Aruba e pida baranca cu nos ta carga den nos Himno cu ningun hende di berdad por kibre”.

http://www.diario.aw/2016/01/minister-otmar-oduber-riba-dia-di-betico-a-enfoca-riba-union-y-
respet/