Page 101 - ttc nov 4,2015

Cada regla cu haci mas estricto ta bay tin impacto tanto
economico, pero tambe riba turismo

Publication: Wednesday, 4 November 2015. Categoria: General

ORANJESTAD (AAN): Jennifer Arends-Reyes, parlamentario di AVP, ta presidente e comision
fiho di Turismo. Arends-Reyes tabata sinta hunto cu su colega Desiree de Souza-Croes, ta dirigi
e reunion cu ministernan presente pa asina mustra e preocupacion di e fluho di turismo
Venezolano.
Tabata importante pa parlamento pa ta bon informa. E tarea tambe pa cuminsa den e comision pa
duna atencion na esaki. Di basta tempo caba ta monitorea, ta haci pregunta informal cu minister
pa sigui di cerca e desaroyonan aki.
Siman pasa, e comision di turismo a sinta cu ATA y a sinta cu minister di Turismo den caso aki
y a papia ampliamente riba e topico aki. E tini diferente dimension y pa e motibo aki tambe a
hacie combina cu e comision di husticia.
E parti di estranheria. Cada regla cu haci mas estricto ta bay tin impacto tanto economico, pero
tambe riba turismo. Tin cu sigui esaki hopi di cerca wak con e ta desaroya. Un visa, kico e ta
nifica pa nos pais. E ta algo real? E mester wordo evalua. Tur esakinan ta preguntanan cu a bin
dilanti.
Arends-Reyes a splica cu nan ta satisfecho den e sentido cu a haya hopi informacion riba
diferente topico, riba diferente preocupacion. Tabata tin dos banda, tanto di oposicion y di parti
di AVP, tabata tin preguntanan similar.
Loke a bin dilanti cu a wak cu ta e parti cu a bin cu diferente regulacion, pero e parti di
cooperacion di nos pueblo tambe ta sumamente importante y tambe pa cu sa, por ehempel di e
comerciantenan cu ta coopera.
Esaki a wak na Corsou, cu a yega un momento cu el a cuminsa bira algo ilegal, cu nan a sigui
nan penalmente. Aruba no mester yega asina leu.