Page 105 - ttc nov 4,2015

Den e puntonan ey a dicidi cu ta bin diferente punto, den e caso aki ta bay tin un database, unda
cu via Radex por sa cuanto hende a drenta cu a pasa over di e dia cu nan a haya pa keda na nos
pais y ta bay tin un callcenter unda e personanan aki a bisa cu nan a keda, puntra unda e persona
ta, di con e no a sali, etc. A tuma algun otro medida manera si ta haci e prome peticion cu mester
ta exterior pa warda esaki. Na momento cu por prueba cu e persona ta den exterior, e ora e
permiso ta bay procesa los di si ta positivo of negativo. No ta ni cuminsa e proceso si por mustra
cu e persona cu a pidi permiso pe ta den exterior. Los di esey, rekisitonan cu a intensiva caba
algun luna pasa ta bay worde verscherp un tiki mas cu ta un persona cu ta pidi pa su famia keda
mas di 30 dia na Aruba, den e caso aki, por ta 90 dia, por ta hasta 180 dia, mester por mustra
cuanto placa tin, si e cas ta adecua, si e e seguro pa e persona cu ta worde pidi pa keda ta valido,
si e tin un ticket di regreso nobo, e doño di cas ta para responsabel pa e bay back. Tur e
rekisitonan aki a bira mas severo, segun e minister. Tambe lo bay cobra pa e permio ey. Na e
momento aki, un verlenging no ta worde cobra y ta costando gobierno hopi pa loke ta trata
trabao. Lo bay bin cu un suma cu tin cu paga si kier e extension aki. Los di esey e comision cu ta
bayendo caba den algun luna na diferente comerciante cu ta trahando cu hendenan ilegal,
controlnan ta bay worde intensiva. Ta bay tin un reunion tambe pa informa comerciantenan di e
pasonan aki dentro di poco y eynan ta bay tin tambe e grupo of e team di gobierno cu ta haci e
control y boetnan ta bay worde duna. Boetnan ta worde duna caba y esaki ta bay worde intensiva
den e proximo lunanan, segun minister Sevinger.

Tambe a tuma un decision den ministerraad pa evalua e asunto di visa, den e caso aki pa
Venezuela, Aruba cu Reino y Corsou lo sluit su mes aan, pa motibo di e mesun problema, lo bay
evalua kico ta e miho posibilidad si ta un full fledge visa, si ta un weaver of si a caso mes e visa
no ta resolve e problema, si esaki ta necesario. Lo bay evalua esey, pero Aruba a pidi pa evalua e
posibilidad di visa den e caso aki pa Venezuela, e minister a splica.

http://www.diario.aw/2015/11/rekisitonan-pa-estadia-pa-turistanan-venezolano-lo-bay-bira-mas-
estricto/