Page 9 - ATA
P. 9
AWEMainta Diahuebs, 5 October 2017 25
Amsterdam Manor y MVC Eagle a participa
den e di 23 edicion di Aruba Reef Care Project
DIADOMINGO 1 di october a tuma lugar e di 23 edicion di
Aruba Reef Care Project, un evento organiza pa Aruba Reef Care
Foundation y unda cu e team dinamico di empleadonan di Amster-
dam Manor Beach Resort a sa di participa un biaha mas, manera
t’e custumber for di dia cu e evento a cuminsa.
MVC Eagle tambe a participa di e edicion 2017 di e project special
aki.
Algun di e areanan di Aruba cu a ser cubri ta e.o. Bushiri Beach,
Eagle Beach, Palm Beach, Surf Side, Mangel Halto, Grapefield, y
Santana di Cacho.
Mientras cu e centro di operacion unda cu e accion a ser coordina
tabata Neptali Henriquez Park. Un di e propositonan di e evento
aki tabata pa comunidad wordo incentiva p’asina conhuntamente
manifesta nan compromiso cu medio ambiente dor di yuda man-
tene nos beach y lama limpi, segun Castro Perez, Presidente di e
Aruba Reef Care Foundation.
Tambe ta di resalta varios operador di e watersports a yuda cu e
parti di e operacion cu mester a tuma lugar den awa, y pa ora cu
a finaliza e proyecto aki, tur participante a ricibi un certificado di
aprecio hunto cu un t-shirt di recuerdo.
