Page 7 - DIARIO 04 SEPTEMBER 2021 COMPLETO.indd

DIASABRA 4 SEPTEMBER 2021 DIARIO PAGINA 7
Futura ta bay lansa e di

dos edicion di ‘Immerse’

den luna di October

ORANJESTAD (AAN): Aruba Futura Foundation ta bay
lansa e di dos edicion di IMMERSE durante henter e luna di
October 2021.
IMMERSE 2021 lo enfoca riba stimulacion di conocimento
y fomenta e capacidad di Innovacion di e comunidad Ar-
ubano den diferente industria. Un serie di eventonan co-
laborativo pa tur edad na unda lo ilustra ideanan transfor-
macional cu lo por haci impacto pa Aruba y mundo henter.
Durante henter luna lo tin varios iniciativa cu lo
tuma lugar pa diferente grupo di edad, cuminsando cu Inno-
vation Camp diseña pa muchanan entre 8 - 12 aña. Tambe lo
tin e re-lansamento di Supernova cu lo brinda un workshop
cu e meta pa encurasha mucha y hende muhernan pa crece y
stimula nan habilidadnan pa por prepara nan pa ta e siguiente
generacion di innovadornan.
E luna lo culmina cu IMMERSE: Innovation Week 2021 entre
October 25 te cu 29 unda cu Futura y diferente organisacion
rond di Aruba lo host eventonan caminda por crea oportuni-
dadnan cu stakeholders y partners cu entre otro workshops riba
topiconan relata cu innovacion, desaroyo sostenibel, eGov-
ernment, Igualidad di Genero, economia circular, cambio di
clima, 21st Century Skills, Entrepreneurship, y Creatividad
Tambe IMMERSE 2021 lo jump-start un iniciativa
nobo: ‘Re-Tech’. ‘Re-Tech’: Un iniciativa di Futura cu a
cuminsa na aña 2019, y awor re-diseña conhuntamente cu
ayudo di studiantenan Arubiano di EPI, lo ofrece e oportu-
nidad pa cualkier organisacion of cualkier persona hasi don-
acion di aparatonan cu kisas no ta traha, of cu no ta wordo
usa mas.
E aparatonan aki, entre otro: tablets, computers, screens,
mouses, keyboards, despues lo wordo prepara, y lo wordo
uza y distribui na scolnan of organisacionan pa duna les of
proyectonan educativo pa asina equipa mas studiante cu e
oportunidad pa enrikece nan conocimento cu tecnologia.
Idealmente kier yega na un cantidad di aparatonan cu por
hasta wordo distribui pa studiantenan den necesidad, of cu
kisas no tin manera aworaki pa conecta y volg les online.
Innovacion ta importante pa crecemento economico
y prosperidad di un pais, pa es motibo IMMERSE ta wordo
organisa pa concientiza e comunidad, pa yuda stimula inno-
vacion y creatividad.
IMMERSE 2021 ta pa celebra innovacion, creativi-
dad, desaroyo sostenibel pa e motibo aki Futura ta en-
curasha e comunidad pa atende e eventonan aki cu lo ta
habri pa pueblo henter. E eventonan aki lo tuma lugar
rond di nos Isla, y dentro di poco lo por wak e lista com-
pleto di eventonan riba e website www.immersearuba.org.
Futura ta invita tur compania, organisacion y/
of innovador pa forma parti di IMMERSE 2021 y
hunto crea un Aruba cu ta cla pa enfrenta cualkier reto.