Page 32 - MIN JUS 11 JAN 2016
P. 32
Djaluna 11 Yanüari 2016 17
BRINDIS TOTOLICA KOMBINASHON
ASESINATO I SUISIDIO
WILLEMSTAD.- Fundashon Totolika a selebrá kuminsamentu di aña 2016 den Venetto
Holiday Beach Hotel. Presidente di e fundashon Junny Harms huntu ku Aminta ZANDHUIZEN.- Den un kas a haña un hòmber di 41 aña
Sprockel a risibí su ekselensia gobernador di Kòrsou Lucille George-Wout i esposo i un muhé di 36 aña morto, djasabra mainta. Polis ainda no
i tambe ministernan Ruthmilda Larmonie-Cecilia i Siegfried Victorina. Tabatin un por bisa nada di e kousa di morto.
bunita show siguí pa e bríndis di aña nobo.
Famianan di e abitantenan a yama polis ora nan no
tabata haña kontakto ku nan.
Na yegada di polis nan a mira dos mucha chikí, yunan
di e pareha, ku tin 5 i 6 aña hungando den kurá di kas i
den e kas mes tabatin dos kurpa sin bida. E dos muchanan
ta yunan di e pareha.
Segun polis por ta un akto kriminal òf suisidio òf un
kombinashon di tur dos, investigashon tin ku demostrá
esei.
Finalmente polis a konkluí ku ta trata di un kombinashon
di un asesinato i un suisidio
E hòmber lo a mata e muhé i despues a pone fin na su
propio bida.
POSIBEL KONFLIKTO DI
INTERES DEN KASO MITCH
DEN HAAG.- Mayoria polis den e kaso di Mitch Henriquez
tin un abogado di e mesun ofisina. No solamente e polisnan
ku ta sospechoso, pero tambe esnan ku ta testigu.
Ekspertonan ta papia ku lo por bin konflikto di interes.
Mitch a muri despues ku na Den Haag a tené den e asina
yamá Nekklem durante su detenshon.
Tin sinku polis komo sospechoso.
A tende 31 polis komo testigu, 21 di nan i tur e
sospechosonan tin un abogado di e mesun ofisina.
Mama di Mitch ta furioso ku e situashon.
DROGA DEN MAISHI
SOMEREN.- Pa di promé biaha a haña restunan di un
laboratorio di droga, den produktonan agrario.
Ta trata di maishi ku tabata krese riba un tereno
kaminda aña pasá a desmantelá un laboratorio di XTC.
Kriminalnan tabata produsí miónes di píldora di XTC i
e afval kímiko tabata disparsé den e posnan.
E kampesino ku tabata biba aya a plama e mèst shushi
riba su tereno i a planta maishi riba dje.
AKSIDENTE FATAL
SCHIEDAM.- Djasabra anochi alrededor di 9’or un morto
a kai den un aksidente di tráfiko.
Esnan ku tabata den e outo despues di e aksidente a kore
bai, pero miéntras tantu nan a mèldu na warda, kaminda
a detené nan.
REFUGIADO NO POR DISIDI
KUA PAIS E TA BAI
DEN HAAG.- Den e lunanan benidero Rutte ke
forma un koalishon stabil, ku kua por yega na akuerdonan
riba atendementu di e problema ku e refugiadonan.
Ulanda for di promé yanüari pa e próksimo seis luna tin
presidensia di Union Europeo.
El a remarká ku mester stòp e kerensia ku un refugiado
ku bin, por skohe den kua pais e ke bai biba. E ta haña ku
Europa ta disidí esaki.
WILDERS LO NO
GOBERNA KU RUTTE
DEN HAAG.- Wilders di PVV lo no goberná ku VVD si
Rutte e ora ei ainda ta lider di e partido, asina el a informá
ayera.Rutte a kontestá riba pregunta si VVD lo traha ku
PVV, ku Wilders promé mester tuma bèk su ekspreshonnan
di ménos marokano.Miéntras VVD no retirá Rutte, PVV lo
no goberná ku VVD, asina Wilders a enfatisá.
