Page 6 - HOH

8 LOCAL AWEMainta
Un peticion pa accion urgente
Dicon muchanan di criansa ta warda ainda?
CRIANSA temporal ta destina pa ofrece siguridad, curacion y un futuro na
muchanan cu no por keda cu nan famia. Organisacionnan manera CasaCuna
y Imeldahof ta traha incansablemente pa duna cuido y un dak, creando entor-
nonan sigur unda muchanan por cuminsa reconstrui nan bida. Pero e organ-
isacionnan aki por yega te na un cierto punto. E problema mas profundo ta
sistemico: Mucho hopi mucha ainda ta wardando demasiado largo pa haya un
famia di criansa, y nos mester puntra nos mes—di berdad nos ta dunando nan
prioridad?
Si, e proceso di criansa temporal por ta lento. Esaki ta den parti intencional.
Siguridad di e muchanan ta primordial, pues un control riguroso di antecedente,
evaluacion di cas, y decisionnan cuidadoso ta esencial. Pero mientras nos ta
purba haci tur cos corecto riba papel, e muchanan ta pasa lunanan—of hasta
añanan—critico pega den incertidumbre. Algun ta pasa di un shelter temporal
pa otro of pa casnan di grupo. Otronan ta warda den institucionnan satura, anhe-
lando stabilidad.
Y mientras nan ta warda, nan ta creciendo sin e sosten emocional y e sinti-
mento profundo di pertenece cu solamente un famia stabiel y yen di amor por
ofrece. Pa un mucha cu ya ta cargando e peso di trauma di pasado, cada retraso
adicional ta haci’e mas dificil pa cura.
E lentitud no ta bini solamente di papeleo. Recursonan ta limita. Trahadonan
social ta enfrenta un cantidad enorme di caso, hopi biaha sin e herment of e
sosten cu nan mester. Nos mester di mas training pa famianan di criansa. Y
Diabierna, 10 October 2025
mas importante ainda, hopi mucha den e sistema
mester di cuido di salud mental—y e cuido ey no
semper ta disponibel na e momento of na e luga
cu mester di dje.
Pero nos a mira kico ta posibel ora criansa
temporal ta funciona. Tin historia inspirador di
exito di famianan di criansa cu a cambia bida di
un mucha pa semper. Muchanan cu un tempo a
enfrenta negligencia, abandono of trauma, a haya
hogarnan stabiel yen di pasenshi, sosten y amor
incondicional.
E famianan aki a yuda nan cura, crece y soña
grandi. Cu e ambiente corecto, hopi di e muchanan
aki a sigui pa caba scol, sigui enseñansa supe-
rior y construi careranan exitoso. Algun a bira
dokter, maestro, abogado, artista y lider den nan
comunidad—logrando metanan cu un dia nan a
kere tabata fuera di nan alcance. E historia aki ta
recorda nos cu criansa temporal no ta djis ofrece
un dak—e ta habri porta pa tur loke un mucha por
bira.
Awor mas cu nunca, nos mester di famianan cu tin
e pasenshi, compasion y amor cu e muchanan aki
ta merece asina tanto. Bira un mayor di criansa no
semper ta facil—pero e tin e poder di transforma
bida di un mucha pa semper.
Si bo tin espacio den bo cas y den bo curason,
considera habri ambos pa un mucha den neces-
idad. Apoya organisacionnan manera CasaCuna
y Imeldahof, cu ya caba ta mustrando kico ta
posibel. Ofrece bo tempo como boluntario, plama
informacion, haci un donacion of aboga pa miho
maneho cu ta pone e muchanan na prome luga.
Tur mucha merece mas cu djis un dak riba nan
cabes. Nan merece amor, un sintimento di
pertenece y un chens real pa un futuro. Laga nos
stop di laga’nan warda—y cuminsa mustra nan cu
nan ta importante.