Page 12 - MIN SOCIAL - MAY 19 ,2015

DIAMARS 19 MEI 2015 DIARIO PAGINA 29

Celebracion cumpleaño di Juan David Feliciana

ORANJESTAD (AAN): College tabata di fiesta ya
---Dia 8 di mei klas 1 di Rosa cu Juan David Feliciana a
cumpli aña. Su mayor a trece
bolo y refresco pa asina Juan
David celebra esaki hunto cu
su amiguitonan di klas 1 y su
Juffrouw Deborah Posner y
tambe nan a canta cumpleaño
feliz pa Juan David.

DIARIO ta manda pabien
pa Juan David y cu Papa Dios
bendiciona bo cumpli cu hopi
mas aña di bida y salud.

_Lorito Leal

Votadornan
buscando
alternativo

Si bo scucha lidernan sindical, comentaristanan den medio-
nan di publicacion y voz di pueblo di Aruba ariba caya bo
ta haya e impresion cu Aruba tin mester di un alternativo
politico. No un intercambio di partido berde y partido geel
pasobra e partidonan aki cada un tin culpa den e situacion
precario di nos pais. Nan a goberna 30 aña “om de beurt” y e
resultado di cada eleccion por a worde anticipa pa cualquier
hende prome cu votacion tuma lugar.

Simplemente tabata un cuestion di “turno” pasobra pueblo
no tabata tin alternativo real cu ta goza di suficiente crede-
bilidad di manera cu nos or a mira un cambio significativo
den gobernacion di nos dushi pida baranca. Awor nos ta sinti
cu e conciencia politico di votadornan ta ampliando y ariba
caya bo ta tende claramente e palabranan: Ni AVP ni MEP!
Satelitenan no ta conta mes pasoba pueblo longtime a rehasa
“one man’s party”.

Wel, bo humilde servidor cu ta bula rond y mira tur e prob-
lemanan di nos pais tin dos sugerencia cu por trece e cambio
tan anhela y duna participacion na un parti mas amplio di
nos pueblo votador. 1. Mester funda ariba termino corto un
Partido di hubentud di cual e candidatonan no por tin mas cu
30 anja. 2. Un partido di trabou caminda e candidatonan no
por tin mas cu 40 aña.

Pakico e stipulacion di edad? Masha simple; e gran mayoria
di votadornan ta cai dentro di 18 y 40 anja y pa un cam-
bio berdadero mester tin hende hoben cu lo carga respons-
abilidad gubernamental den e proximo decadanan (20-30).
Pueblo ya no tin confiansa den e partidonan y dynastianan
tradicional cu a causa e debacle financiero cu nos pais ta
aden.

Aruba tin mester di un generacion politico completamente
nobo, hendenan cu no tin relacion cu ningun politico exis-
tente pasobra manera e dicho na hulandes ta bisa:”wie met
pek omgaat, wordt ermee besmet”. Ora cu bo anda cu hende
di baho mundo bo ta bira un gangster. Ambos partido tradi-
cional a accepta placa sushi pa financia nan campaña y awor
e partidonan nobo mester bai den autofinanciamento pa me-
dio di contribucion di por ehempel 10 florin pa luna pa asina
partido ta keda limpi di actonan repudiable.

E pueblo di Aruba su moral ta te na suela y tin mester di
un fuerte injeccion di idealismo pa “boost” su optimismo y
haya confiansa atrobe den futuro di nos pais. Esnan cu ta di
acuerdo cu Lorito por yama libremente e number 6008157 y
conecta directamente cu Lorito himself.

Bo sirbidor………