Page 3 - Djarason 21 februari 2018.pdf

Djarason 21 Febrüari 2018 3
Thomas Domhoff ta kere ku

“Nos aktitut mester

kambia pa progresá”

WILLEMSTAD.- Den
un palabra nos “aktitut”
mester kambia pa
progresá. I esaki den tur
sektor, gubernamental i
sektor privá. Esaki segun
Thomas Domhoff, eksperto
finansiero, ku hopi aña di
eksperensia na diferente
pais na mundu manera
Ulanda, Irlanda i Brasil. El
a keda Kòrsou un aña i mei
i awor e ta bayendo for di
Kòrsou pa un reto grandi na
Brasil bèk.
Ku e konosementu ku
Thomas Domhoff tin el a
yega na e konklushon ora e
mira e desaroyo pa progreso
den sektor privá i sektor
gubernamental ku ta hende
su aktitut tin di kambia.
El a mustra ku tur
gobièrnu ku el a traha kuné
na Kòrsou ta enfrentá e
mesun opstákulo. I esei
ta e aktitut. Aktualmente
e situashon ta ku si ke
kambio, e minister no por
hasié so mes pero mester
di su aparato di ámtenar,
kaminda tin manera un
muraya di Berlin pa logra.
Tin biaha e pueblo ta
husga ku e gobièrnu ta
primintí sin logra, pero no
ta e minister tin di logra
pero ta su ámtenar ta esun
ku tin di hasi e kambionan.
I e manera di traha ta unu
slou i antikuá.
Thomas Domhoff
a enfatisá ku no ta e
gobernante pero e aparato
bou di e gobernantenan ta
hasi nos impotente. Ounke
mester bisa si ku den e
mesun aparato aki tin hende
bon pero nan ta muchu
tiki i no ta logra yuda nan
minister. Ta esaki segun
Thomas Domhoff mester
kambia. El a menshoná e
sistema di “sandbox tool”
ku por ehèmpel Dubai a
usa, tin pais den Karibe
tambe ta usando, kaminda e
ministernan por tuma sierto
desishonnan sin ta dependé
di e aparato di ámtenarnan.
E sistema antikuá na
Kòrsou kaminda ta e shèf
tin di bisa i e trahadó ta
hasi so, no por mas. E
aktitut ei mester kambia. I
Sigui lesa pagina 39