Page 3 - min on

awemainta.com Online Diasabra 28 di Maart 2015

SKOA dispuesto pa
sinta na mesa cu
Minister di Enseñanza

SKOA na mas cu un ocasion a expresa su preferencia pa dialoga

na mesa sin necesidad di hiba e dialogo a traves di medionan di
comunicacion pa stroba e proceso, sinembargo despues di a tuma
nota di un comunicado cu informacion eroneo riba un website
noticiero, SKOA a sinti necesario pa duna un reaccion.

A pesar cu Minister ta sondea posibilidad pa hiba SKOA corte,
SKOA a expresa den su carta di 17 maart 2015 na Minister cu e ta
keda dispuesto pa sinta na mesa y dialoga pa yega na palabracion
concreto. Riba e carta di 17 maart 2015 SKOA no a ricibi ningun
reaccion ni tampoco un peticion pa sinta na mesa.

Den e carta aki SKOA a mustra e.o. riba e posibilidad pa duna bista
riba e cifranan preliminario y riba kico e aumento di schoolgeld
ta calcula. Esaki pa elimina e impresion eroneo cu SKOA lo no ta
dispone di cifranan actual como tambe e impresion cu SKOA lo
ta pidi mas cu locual tin mester pa cubri gastonan di enseñanza.

E derecho ariba enseñanza ta hancra den nos Constitucion di
Aruba, pero na opinion di SKOA, esaki no ta encera un derecho riba
enseñanza liber of pornada. E scolnan di SKOA igual cu tur otro
scol na Aruba, incluyendo scolnan publico, ta cobra schoolgeld pa
cubri cu gastonan di enseñanza pa e aña escolar corespondiente.

Durante 14 aña largo SKOA no a aumenta e schoolgeld cu tabata un
suma di Afl. 12.50 pa luna pa alumno na kleuterschool y Afl. 6,25
pa luna pa alumno na e otro schoolnan. E aumento di gastonan
durante ultimo añanan lamentablemente ta trece cu n’e cu SKOA
no por mantene esaki mas y mester cobra un suma di Afl. 20,80
pa luna pa alumno.

Por ultimo SKOA kier a desmenti categoricamente cu SKOA ta
hiba e maneho cu si no paga schoolgeld no ta entrega rapport na
e alumno manera cu ta wordo anuncia den e comunicado di riba
e website di noticia.

10