Page 9 - min on

awemainta.com Online Diasabra 28 di Maart 2015

Delegacion di Deporte Escolar di Aruba a sali pa Boneiro

AYERA mainta a sali pa Boneiro e delegacion di Deporte Escolar
di Aruba. Como hefe di e delegacion a biaha Giovanni Hoek di
IBiSA, acompaña pa sr. Esmond Jones kende ta encarga di parti
IBiSA cu e deporte di Futbol di Sala.
Tambe a biaha sra. Mildred Wever, encarga cu e deporte di Atle-
tismo pa Aruba. Na Aeropuerto e delegacion a wordo despidi pa
sra. Monique van Embden, Directora di IBiSA y sra. Jacqueline
Ponson van Putten, Chef di Deporte Escolar.
Contento y yen di animo e hobennan cu ta forma parti di e ekipo
di Futbol di Sala di Colegio Arubano y campeon escolar di Aruba,
acompaña pa meneer Sjoerd Henri Marie van de Vaart cu ta nan
coach tabata cla pa aborda y enfrenta e reto di fin di siman.
Sigur esaki ta grandi p’e ekipo di Colegio Arubano cu a priminti
di haci un bon trabou di mantene e titulo di campeon den futbol
di sala pa ‘Weganan Interinsular’ pa Aruba.

Di otro banda e chikitinnan cu ta forma parti di e seleccion di
atletismo, cu ta 9 mucha muher y 9 mucha homber, acompaña pa
nan coachnan sr. Wiwi Piña y sra. Lisandra Maduro tambe tabata
presente na Aeropuerto for di tempran. Tur e muchanan tabata
yen di animo y emocion p’e biahe y sigur cla y bon entrena p’e
competencia di atletismo contra e muchanan di Corsou y Boneiro.
Algun mayor tambe ta biaha pa Boneiro pa bay apoya nan yiunan
durante e competencia di e fin di siman aki.
IBiSA ta desea e delegacion di Aruba un bon biahe cu Insel Air y
hopi exito den e encuentronan deportivo di fin di siman cu por tin
na final hopi medayanan y trofeo di campeon pa Aruba.

36