Page 11 - HOSPITAAL 29 OCT 2015

Dos pareha Ruso deteni malversando riba 100 mil dollar cu
credit card falso

Publication: Thursday, 29 October 2015. Categoria: Policial

Den Joyerianan na Aruba

ORANJESTAD (AAN): E team di recherche di Playa a haci un tremendo trabou un biaha mas.
Keto bai tin hendenan cu ta bin Aruba como turista pero cu intencionnan criminal. Asina tambe
dos homber y dos muher Ruso a kere cu na Aruba nan lo por comete actonan criminal sin cu nan
lo wordo gara. Nan number a hunga.

Parce cu e cuarteto aki a yega Aruba dia 20 di october. Den apenas dos pa tras dia ya caba a pone
man riba nan. Net nan a sali for di Joyeria y banda di Cafe The Paddock a aresta nan. Como
cinco joyeria a bira victima. Ainda lo por tin mas cu tambe a bira victima. Kizas te hasta otro
negoshi tambe.

E carchinan falso tabata Visa y Mastercard. Mayoria cos cu a wordo cumpra cu credit card falso
a wordo haya bek den poder di e criminalnan Ruso aki.

Si tin cualkier hende cu tambe por a bira victima di e cuarteto aki por yega na recherche di Playa
den Frankrijkstraat.

Un pabien na e team di recherche cu nan tremendo trabou y reaccion rapido pa pone man riba e
figuranan criminal aki. Awor aki ta den proceso di interogacion. Nan ta papia ingles y e proceso
di interogacion ta bayendo bon. E nacionalidad aki ta conoci caba na Aruba pa a comete actonan
similar den pasado. Tin cu sinta basta largo pa e actonan asina. Awor e dos hombernan y e dos
muhernan aki tambe mester bai duna cuenta dilanti huez.

http://www.diario.aw/2015/10/dos-pareha-ruso-deteni-malversando-riba-100-mil-dollar-cu-credit-
card-falso/