Page 12 - HOSPITAAL 29 OCT 2015

Specialista Jose Sprok candidato preferi pa bira director
general di Dr Horacio Oduber Hospital

Publication: Thursday, 29 October 2015. Categoria: General

ORANJESTAD (AAN): Hopi tempo a papia di dje. E
semper a mustra interes pa bin traha bek na su isla natal. Asina mes e chensnan tabata limita. Na
Costa Rica el a wordo ricibi man habri y ta haciendo un tremendo trabou. Asina mes su amor pa
traha pa su isla a keda den su curazon.
Informacion cu tin ta bisa cu e specialista di curazon Jose Sprok ta e candidato preferi pa bin
asumi e funcion di director General di Dr Horacio Oduber Hospital.
Despues cu un compania di Curacao a haci henter un screening riba e candidatonan cu a solicita,
finalmente e ultimo dosnan cu a keda tampoco lo bira e candidato pa director general. Esey a
pone cu localmente esnan encarga tambe a sigui sondea entre e candidatonan mes cu a solicita.
Asina a yega na Dr Jose Sprok cu parce a wordo acerca pa mira si e kier asumi e funcion.
Mirando cu el a solicita na prome instante ta haci cu sigur esaki e lo no bai nenga. Ademas e ta
un yiu di tera cu un estudio asina importante como medico.
Actualmente e ta encarga tambe cu maneho di un Hospital na Costa Rica. Tur cos ta indica cu e
tin interes y ta den e ultimo combersacionnan pa finalmente e decision cay.
http://www.diario.aw/2015/10/specialista-jose-sprok-candidato-preferi-pa-bira-director-general-di-dr-
horacio-oduber-hospital/