Page 38 - MIN SOC 22jan,2016

38 Djabièrnè 22 Yanüari 2016

Kontinuashon di pagina 14
MINISTER SOAW SALI NA

trahadónan ta haña
nan mes ku ta yega mas
ku angustia. Aki mester a
para ketu ku mester hasi
un análisis ophetivo ku
determinashon i rashonal
dor di instrumentonan
disponibel.

P’esei ta hasi yamada
serio riba minister di
trabou pa por utilisá
tur medionan ku e
tin na su alkanse p’e
sali na vanguardia dje
pobersitu trahadónan di e
supermerkado Arti’s.

“Nos ta respetá ku
kapitalismo, kapital
ta tumando órden di
prioridat pa hopi hende
na Kòrsou i hopi biaha
no ta tene kuenta ku loke
sindikalista si ta promové
ku e hende na promé na
lugá. Aki minister mester
pone hopi atenshon”.

Esaki ta un kaso ku
ta bin den publisidat i
último tempu ta keda
konfrontá ku hopi kaso ku
no ta ser poné na altura
di niun hende i e tristesa
ta bin desemboká den
loke e ta titulá malester
sosial i hasta e ta tribi
di bisa ku esaki tambe ta
un situashon ku e hende
por bai kai den sirkuito
kriminal.

A yega ora pa no sali
hasi análisis ophetivo so,
pero tuma media apropiá.
Koenze a bisa ku e no ta
kontra ku grupo chines
a tuma supermerkado,
pero kontra dje proseso
kaminda e hende a bira
supordiná na e situashon.
Ta tuma e ehèmpel ku
hende no ta paña sushi.

Ta eksigí pa duna e
hende e balor ku ta lucha
pe kual ta rèspèt mutuo,
konfiansa i yega na
entendimentu atraves di
diálogo sosial.

Bou di kualke situashon
ku un empresario hañ’é
aden, e mester proveé lo
mehor pa e tahadónan.
Esaki no tabata e kaso
segun Koenze.

Vários trahadó a aserka
nan. E sindikato a yega
di aserka nan pa bira
miembro. Pero miedu ta
poderá di trahadó. A yega
ora pa trahadónan uni
nan mes, sindikatonan i
sindikalistanan stòp di
bringa ku otro i yega na un
forsa. E ora ei por traha na
mehorá e bienestar sosial
di e trahadónan, segun
Koenze.