Page 17 - AB

Diahuebs, 29 April 2021 AWEMainta 15

Hotel Arubano a wordo reconoci pa su esfuersonan Medio Ambiental y di recuperacion den escena mundial

Panelista Ewald Biemans ta elogia Aruba na World

Travel & Tourism Council Global Summit 2021

E recuperacion di biahenan ta na marcha cu e sabio
consehonan di expertonan hotelero n’e World Travel &
Tourism Council’s Global Summit 2021. Ewald Biemans,
doño y CEO di Bucuti & Tara
Beach Resort na Eagle Beach, a papia riba e mainstage
como panelista.
E World Travel & Tourism Council (WTTC) a titula
e evento di e aña aki como “Uniendo e Mundo pa
Recuperacion” pa su di 20 Global Summit. Tumando lugar
April 25-27 na Cancun, Mexico, e lidernan den sector
hotelero ta reuni cu representantenan clave di Gobiernonan
internacional p’asina discuti medidanan over di e temanan
di mas importante den agenda mundial. E aña aki, Global
Summit ta explora e retonan mas dificil y ta proporciona un
plataforma pa recuperacion di e sector turistico.

E panel tabata yama: “Biahenan Liher: Biahenan Seguro y
Sin Problema.” E debate tabata concentra rond di e opinion
actual unda 45% di pasaheronan ta dispuesto pa descarta
nan paspoort di papel y na su lugar lo prefera di uza un
identificacion biometrico. Identidad digital y identificacion
biometrico ta adkiriendo cada biaha mas importancia.
Esaki ta combina cu un aceleracion di inovacionnan den
materia di salud y seguridad, cu ta encera tur cos desde
imagennan termico te cu aerosolnan electrostatico.
A medida cu e sector ta redobla su esfuersonan pa ofrece
un experiencia di biahe seguro y liher p’asina recupera
e confianza di biaheronan, e debate a concentra den e
rekisitonan nobo pa sanidad y den un integracion di
pruebanan negativo prome cu un vacuna, mientras cu den
ultimo instancia, nos lo ultimamente avanza pa biahe sin
contacto (esta “contactless”).

E debate a wordo modera dor di Peter Greenberg, e travel
editor di CBS News, basa na Merca.
Panelistanan a comparti nan experiencia y opinion
profundo. E panelistanan tabata: Ewald Biemans, Doño/
CEO, Bucuti & Tara Beach Resort, Aruba: Sean Donohue,
Chief Executive Officer, Dallas Fort Worth International
Airport: Kelly Craighead, Presidente & Chief Executive
Officer, CLIA: Jose Ricardo Botelho, Chief Executive
Officer & Executive Director, ALTA y Andrew Wingrove,
General Manager, Aviation, CLEAR

Introduci como e conkistador di e ambicioso logro di
certificacion CarbonNeutral® pa su hotel Bucuti & Tara
Beach Resort, Biemans a elabora di Aruba su exito den e
provision di un biahe liher, saludabel y cu vision pa futuro
p’asina por proporciona un destinacion seguro pa biahenan
y turismo.
Moderador Peter Greenberg a conta di su bishita na Aruba
varios añanan patras pa papia cu Gobierno di Aruba tocante
bira carbon neutral.
Biemans a splica e obstaculonan cu el a experiencia den
su mesun transcurso y con nos Gobierno a supera nan pa
renoba nan compromiso y nan plannan pa bira carbon
neutral na 2030.

Un link n’e discusion por wordo haya aki na 5:28:30. E
potretnan por wordo descarga via e Dropbox folder aki. Pa
haya sa mas, bishita Bucuti.com