Page 5 - HOH

28 COMUNIDAD AWEMainta Diasabra, 22 November 2025

Charla informativo riba diabetes na St. Dominicus College

Aruba One Happy Island Lions Club & POH

DIA Mundial di Diabetese, Aruba One Happy Island Lions
Club den colaboracion cu POH (Praktijkondersteuners
Huisartsenzorg) a brinda un charla educativo y interactivo

na St. Dominicus College. Un grupo grandi di studiante a
participa y a pone bon atencion durante tur e presentacion.

E charla tabata orienta pa:

• Duna conocemento basico riba diabetes
• Splica e diferencia entre diabetes tipo 1 y tipo 2
• Enfatiza importancia di come salu, bebe awa y move mas
• Motiva muchanan pa tuma decision saludabel pa preveni

diabetes tipo 2

Un di e parti mas dibertido tabata e wega educativo Kahoot,
caminda e muchanan a hunga cu entusiasmo riba pregun-

tanan relaciona cu diabetes y estilo di bida saludabel. Nan a
mustra gran conocemento y curiosidad riba e tema.

Na final, e alumnonan a ricibi un appel cu e mensahe:
“Bo mes tin cu cuida bo curpa! Come fruta, bebe awa, move

bo curpa.”

E muchanan tambe a haya un foyeto cu informacion impor-

tante.

Gradicimento special na:
• POH, pa e explicacion claro, amigabel y adapta na studi-

ante
• St. Dominicus College, pa nan cooperacion
• Hilton Hotel y Riu Hotel, pa nan apoyo

• BID, pa nan contribucion

Aruba One Happy Island Lions Club ta sigui compromete
cu educacion y conscientisacion den nos comunidad. Nos
ta kere cu inverti den nos hubentud ta forma e base pa un
futuro mas saludabel.

Hunto nos ta crea conocemento. Hunto nos ta preveni.
Hunto nos ta sirbi.

Bo kier yuda of bira un Lions Friend?
Tuma contacto: 568-0829 of ohilclubaruba@gmail.com