Page 34 - ARUBA BANK

Pa locual ta e di 7 reportahe kwartaal cu departamento di finansa di gobierno a presenta nos por bisa cu
den tur 7 kwartaal cu oposicion a grita cu fin di aňa nos lo no haal e normanan stipula den e ley di CAFT.
Na aña 2015 nos mester a cumpli cu un deficit di 3.4% y nos a logra uno di 2%. Na aña 2016 esaki mester
tabata 2% y nos a haal e 2%. Pa 2017 segun nos presupuesto aproba mester ta na 0.5%, cual cifra nos lo
alcansa atrobe sigur segun e expertonan di Directie Financien. No tin ningun duda cu esaki lo wordo
alcansa.
E sumanan di VAS (voldoening op aangifte systematiek) cu su introduccion na comienso di aňa 2016 a
wordo cobra den e prome kwartaal, awor na 2017 ta wordo cobra den e di 2 y 3 kwartaal cu nos mester
haya ainda;
Un parti di e ‘settlement agreement’ di Valero, cual ta e mita di e suma total, mester wordo transferi
ainda di Rafinaderia di Aruba N.V. pa Gobierno. Tambe e benta di e Valero Marketing & Supply Aruba,
incluyendo e pompnan di gasolin cu den e traspaso di Valero a keda pa pais Aruba, mester wordo bendi
ainda e aňa aki. E 2 ultimo entradanan aki relaciona cu e bendemento di Valero na CITGO lo mester trece
den caha di gobierno un suma 67 miyon ainda prome cu fin di aňa 2017.
Asina tambe den su totalidad Gobiernonan Mike Eman I y II, manera CBA a relata na 2010, a cumpli cu
tur e deficiencianan di pais Aruba cu tabata haci gobernacion aki na Aruba dificil caminda cu nos por
papia di un Aruba cu ta den un situacion financiero stabiel,” Parlamentario di fraccion di AVP, sr Chris
Dammers ta mustra.