Page 35 - ARUBA BANK

Minister Angel Bermudez: Gobierno semper ta tene
consehonan di CAFT na cuenta

Tuesday, 13 June 2017 19:52
Comparti

CAFT a saca un publicacion y den e caso aki toch ta mira cierto puntonan cu CAFT ta sinti cu lo no logra
manera gobierno a pinta e situacion.

Segun minister di finansas, Angel Bermudez, Gobierno a saca su di shete raportahe di e prome tres
lunanan di 2017 y riba dje semper ta haya un reaccion of un conseho di colegio di supervision. Por bisa
mescos cu e seisnan anterior, hopi biaha nan comentario of conseho ta hopi estricto den e sentido cu nan
ta carece di hopi optimismo y nunca tabata tin problema cu esey. Gobierno a demostra cu nan ta logra e
deficitnan manera cu nan a wordo hinca den e ley di Laft, e standardnan. A logra na 2015 y 2016 y ta
sigur lo logra tambe den 2017. No ta kita cu e ta un reto. Pasobra tur e añanan ey a reduci e deficit
presupuestario y pa e aña aki e deficit ta calcula na 25 miyon, cual ta un reto grandi, pasobra mas ainda
tin cu domina nos gastonan y tin cu optimalisa nos entradanan. E ta un reto sigur y ta sigur si cu
Gobierno lo sa di logra e metanan y lo sa di logra e deficit manera cu el a wordo formalisa y aproba den
presupuesto 2017.
Consehonan

E minister a sigui splica cu si wak con a realisa den 2015 y 2016 e deficitnan, semper Gobierno a sa di
logra loke cu nan cierto momento ta formalisa den e presupuesto. P’a e minister esey ta conta.
Naturalmente nan consehonan semper ta un alerta y pa Gobierno e ta un forma di tene nan skerpi, en
particular nan departamentonan y no ta kere cu no tin nada contra di esey. Unico cos tin biaha ta wak cu
tin persona cu ta coy un conseho asina ey y ta sak’e for di su contexto y ta bay purba dun’e un
interpretacion cu no ta e interpretacion basicamente cu tin cu dun’e. Tin cu lesa nan hunto. Tin cu wak
nan tambe den un texto anual, cu ta un presupuesto anual. Si e prome kwartaal, cierto momento ta
mustra señalnan cu tin cu tene cuenta cun’e, ta dun’e su atencion. E recomendacionnan di CAFT
caminda cu nan ta al caso, tambe Gobierno ta tuma nan na cuenta. No ta asina cu no ta lesa y scucha loke
cu nan ta conseha, pero semper tin cu busca e balansa entre e ehecusion di e maneho cu a formula den e
presupuesto y e realidad economico cu nos ta biba aden. Por ehempel por a mira cu tabata tin un
tardansa den e rehabilitacion di e refineria. A tene cuenta cu esey ora di reahusta tanto di loke a tuma
como e GDP pa e presupuesto e aña aki y tambe loke a tuma loke ta e efectonan di e reapertura eynan.
Keto bay Gobierno tambe ta alerta di e cambio y desaroyonan. Ora cu un CFT a señala cierto cosnan, ta
tuma nota di dje y ta wak si ta al caso si of no.

Compara cu e prome kwartaal di aña pasa, e aña aki ta menos. Tin un splicacion masha simpel. E aña aki
e vast en winstbelasting, a bay den su periodo formal cu e tin pa ley. A introduci’e na 2015. Eynan a
introduci Laft den fin di aña. E tabata tin su efecto na 2016. Den e aña ey e no tabata den e periodo cu e
mester ta. E aña aki e ta bay na su fecha cu na Mei cu a pasa, e companianan a cuminsa haci nan prome
aangifte pa winstbelasting pa 2016. Esey kiermen cu ta haya un shift di entrada di winstbelasting for di e
prome kwartaal pa di dos kwartaal, pasobra e aña aki e ta cay den Mei. E minister tin un pensamento
solido cu e cifranan di di dos kwartaal ta positivo y cu nan lo coregi cierto señalnan cu nan por mira den e