Page 31 - EXTRA19DEC2015

Djasabra 19 Desèmber 2015 31

BIN KANTA
riba djadumingu 20 desèmber 7 ‘or di
anochi tin un konsierto di Pasku na Fortkerk.
Segun e tradishon tur hende por kanta libremente
durante e konsierto; hóben í bieu, tur hende ta
bon bini pa kanta í tambe djòdjò di e diferente
solo artistanan í presentashon instrumental.
E kònsèrt ta un kolaborashon entre Jeugd
Bachkoor (via Astrid Samson) i Ija Huang (piano).
E kònsèrt ta tuma lugá bou e ouspisio di e Curacaosche
Kunstkring.

Durante e ‘Sing-Along’ públiko por siguí e kantantenan
riba podium. Diferente kantante den forma di ‘Jeugd
Bachkoor’ i ‘Chrismas in Tune’ lo ta e kantantenan prinsipal.
‘Christmas in Tune’ ta un grupo ku ta kanta A Capella.
‘Christmas in Tune’ ta konsistí di Jeanine van der Linden,
Casey Anthony, Thea van Dalen, Martine Bakema, Henk
Hortensius, Frits van der Capellen í Fokko Scholma.
E grupo su Soprano, Alt, Tenor í stèm Bas
ta duná un dimenshon èkstra na e músika.
Teenager Marjenka í Luna lo tei atrobe fielmente na e
konsierto pa eksponé nan talento.

E Bachkoor ku lo kumpli 35 aña den 2016, tin ya desde
algun ana nan mes su jeugdkoor jama: Junior Bach-Choir .
Junior Bach-Choir a wòrdu lanta na promé instante pa
kanta: Pashon di Mattheus. Den e último 4 añanan Junior
Bach-Choir tambe ta kanta durante e Christmas Sing-Along.
Dos goya den e Jeugdkoor ta; Sophie Torres í lianne van Wilgen.
Nos tur lo por disfrutá di nan solo durante e konsierto.
Sophie resientemente a partisipá ku Cura Stars
‘Strea Chikí’ i a gana e gana promé premio. Lianne
tambe a partisipa i tabata un di e finalistanan.
Tur dos e hobenan aki a train ku Myrtle Treurniet
dosente di kanto na Hulanda, den e 3 bes nan
ku ta tin e projecto ‘Sing It’ aki na Korsou.
Te awe nan ta train ku Sra. Treurniet pero awor via di
Skype.

E konsierto di Pasku lo ta dinámiko i e organisashon
ta spera ku públiko lo partisipá na bos haltu i ku lo tin
hopi interakshon entre públiko i e kantantenan. Na
entrada e teksto di e kantikanan lo wòrdu parti. Durante
e pouze lo tin chukulati kayente, glühwein i algun pasa
boka pa tur hende.