Page 4 - AM200623

4 AWEMainta Diamars, 23 Juni 2020

Grupo grandi di detenidonan na Guarda Nos Costa

a rebelia y tabata grita pa “Solucion”

DIALUNA merdia pa mas o menos 2:30 personal di Guarda nos

Costa ta bati alarma grandi, pa un grupo di mas o menos 50 de-
tenido cu a start un problema.

Den e grupo aki tabatin cu a cende candela, pero esaki lo a wordo

paga mesora.

Esnan cera na Sabana Berde mayoria ta Venezolano, cu lo a cay

deteni pa tin e status di ilegal.
Entrenan tin cu a sali di K.I.A cu mester a wordo manda mesora

Venezuela, pero no por bay y no por haci nada otro di tene nan cera
na Guarda Nos Costa. E detenidonan tabata grita na nan idioma

“Solucion Solucion”, esaki tabata sosode den coro.

Tin tabata lanta paña y mustra y tambe bisa cu nan lo a wordo
gedal/maltrata.

Despues di algun rato algun Polis a bay paden y a papia cu e “lider”

o sea un cu tabata para dilanti ta grita mas duro y lantando e resto

di e grupo. A papia cu ne y nan a bay patras lagando tog un grupo
grandi protestando.

Aki nos ta mira un situacion cu ta keda ripiti, algun siman atras
tabata mesun situacion. Y nos ta premira cu di e manera aki e lo

bay keda, tanten cu no por mandanan nan pais bek.

E cantidad di detenido a surpasa e capacidad di Guarda nos Costa,
y segun nos a compronde lo mester prepara Huis van Bewaring na

Dakota pa acomoda un grupo.

Kizas esaki lo por alivia e tipo di incidentenan aki cu ta presenta

cada tanto siman.
Dialuna atardi un of mas persona cu tabata protesta a wordo de-

teni y hiba for di e Sabana Berde, unda nan lo wordo cera den un
cel na Warda di Polis. Posiblemente pa nan calma nan mes.