Page 39 - MIN ON 9 APRIL 2016

Tromp-Lazo a expresa cu a perde tempo. E managernan tin cu tuma cierto decisionnan, cu kisas berdad na
cierto momento mester a tuma nan, di otro banda e curason pa trabao nan a pone dilanti. Berdad cu loke a
papia diahuebs, ta haya cu mester a pasa hopi mas prome. Semper tabata tin comunicacion via carta. No tabata
tin contacto personal kico ta e motivacion y awor aki sa con ta para. E managernan sa con nan ta para, ki balor
tin pa nan trabao. Awor aki nan tin cu bay hunto y tuma nan decision y hunto cu Simar e ora nan ta cana e otro
caminda. Tabata tin nan abogado di biaha eynan durante e reunion. Tin cu bisa cu di banda di minister a bin cu
tur e otro departamentonan cu tabata envolvi. Pero a bisa cu awor aki ta duidelijk con minister ta para y kico e
ta pensa. Ta pone ki balor tin pa e managernan aki den e structura di EPI. Ta keda na e managernan ki decision
nan ta tuma.
E presidente di Simar a comenta cu a papia di gratificacion pa e managernan di unda cu ta pidi un luna di
salario. Den gobierno por aplica for di e minimo te maximo y gobierno a acepta e minimo. Tabata pidi pa yega
sikiera un caminda unda cu tur dos partido por ta contento cu esey, pasobra di berdad, minister a papia cu nan a
papia cu e director di EPI, nan a papia cu otro departamentonan. Nan a haci uzo di documentacionnan cu tabata
tin cu a bisa kico ta e tarea di e managernan. Ta documentonan hopi anticua. Na momento cu a start EPI, kico
tabat e intencion y esey no ta pasando. E managernan a splica cu si no ta reconoce e trabao, ta limita su mes na
kico ta su funcion.
Aki pronto lo bay sinti e efecto. A acerca e directorado unda cu tin un director y e dos otro personanan. Tur
tres ta nobo y no conoce e structura di EPI, nan no sa kico ta e historia di EPI. Pero den ningun momento a
sinta cu e managernan pa scucha nan y sa kico precies ta encera nan trabao. Door di esey a bisa cu nan no
mester duna nan mas, pasobra nan trabao tabata minimo. Esey ta nifica cu no tin balor di nan trabao. E ora e
managernan diahuebs a tuma e postura cu ta bay haci e ora loke ta riba papel, su propio trabao. Minister ta wak
cu nan ta reemplasando y a trece duidelijk cu no ta un reemplaso, no ta un tempo cortico. Esaki ta
structuralmente, el a bira cu ta trahando trabao di un otro persona acerca.
Si no tin balor pa e trabao, lo limita na e trabao mes. Awo ta bay sinti e efecto, segun Tromp-Lazo.