Page 40 - MIN ON 9 APRIL 2016

Simar tin enfoke riba reclutamento di miembronan hoben

Friday, 08 April 2016 20:06
Comparti

Marouschka Cornelie di Simar a splica cu desde cu el a drenta directiva di e sindicato, maestronan hoben
no ta afilia zomaar na un sindicato, cual hecho tin hopi aña ta andando y no solamente na Aruba. E
hobennan cu ta drenta ta pensa hopi riba e placa cu nan tin cu paga. Mayoria ta drenta ta haya tur cos
regla.

Nan no mester lucha pa nada, sinembargo e importancia ta pa mantene loke tin caba y pa percura pa no
mishi cu loke tin. Un di e cosnan cu directiva kier purba logra ta pa tin mas miembro hoben afilia. Ta
acerca nan, ta bay scol combersa cu nan, ta papia cu studiantenan cu ta caba na IPA cu ta bay drenta
veld. Simar ta haci na diferente forma. Awor aki tin un campaña ta lansando pa wak si por recluta
miembronan nobo, ya cu tin hopi hende cu a baha cu pensioen y nan ta bira un erelid y no ta contribui
financieramente mas.

Kico mas Simar kier logra?

Simar a logra hopi caba. E directiva saliente a traha riba codigo di conducta, a traha riba normbedrag,
cual no a keda cla ainda. A participa den comision di enseñansa. Ta bezig cu restructuracion salarial y por
bisa tambe cu un di e logronan hopi importante ta e Teacher’s Care cu a bin na vigor recientemente, cu ta
algo cu Simar a boga pe cerca diferente minister y porfin por weita cu esaki a bin na vigor. Loke ta spera
ta cu e directiva cu sinta, sigui riba e restructuracion salarial y despues tambe lo mester bay papia riba e
salario op zich, ya cu e restructuracion no ta un aumento salarial. Tin hopi punto cu directivanan tin cu
traha riba nan. E mesun puntonan di semper, granduranan di klas, material, problemanan cu tin den
scol, idioma y asina por keda menciona. Tin hopi informacion cu tin cu bringa riba nan.

Discusionnan

Cornelie a menciona cu e palabra disputa ta un tiki grandi y a yam’e mas bien discusionnan cu a tuma
luga na mesa y cu ainda ta andando. Mas bien ta hopi bezig cu asuntonan personal di miembronan.
Actualmente no tin problemanan grandi, cual ta hopi bon. Tin issues cu mester keda traha riba nan
constantemente. Pero Simar a bira un entidad caminda cu ta traha hopi mes. Semanalmente ta drenta cu
casonan di empleadonan cu ta haya problema na pia di trabao. Simar sigur ta wak solucion pa e
problemanan aki. Masha poco ta haya enfrenta cu asuntonan cu no tin solucion. Mayoria di nan ta trata
di asunto di empleadonan cu no sa nan derecho of tambe di dunado di trabao of hefenan cu no sa ley y cu
ta comete erornan chikito cu simplemente door di combersacion of carta por yega na otro y ta drecha
nan.

http://www.24ora.com/local-mainmenu-5/107304-simar-tin-enfoke-riba-reclutamento-di-miembronan-
hoben