Page 44 - MIN ON 9 APRIL 2016

Studiante di Aruba a gana competencia di diseña paña
duradero

Publication: Friday, 8 April 2016. Categoria: General
Ecofashion na Hulanda

ORANJESTAD (AAN): Un di e centronan comercial mas popular na Rotterdam, esta Alexandrium Shopping Center,
recientemente a organiza un competencia pa wak kende por diseña un bistir di productonan green y duradero, mas
atractivo.

Nan a organiza esaki pa e alumnonan di Zadkine Business and Fashion.
Loke ta interesante, ta cu un di e alumnonan aki ta Angelique van Varsseveld, procedente di Aruba.
Angelique hunto cu su coleganan studiante Djamilla y Majla, a dicidi na traha un “Cropped Hoodie”. Nan a wordo
inspira pa e nomber T.W.A.F., y a dicidi na crea algo den estilo di streetwear y sportswear. Nan a traha esaki cu
tela ecologico di velour.
E FB Page di e Shopping Center, a hasta organiza wak kende ta haya mas likes.
E bon noticia ta cu e grupo di Angelique a resulta ganador! Y durante e actividad di duna premio, tabata un
orguyo pa mira Angelique mes subi escenario y modela e bistir cu nan a crea.
DIARIO ta felicita Angelique y su demas coleganan di klas, cu a logra algo asina bunita.a

http://www.diario.aw/2016/04/studiante-di-aruba-a-gana-competencia-di-disena-pana-duradero/