Page 59 - KPA JUNE 9

Polis ta buscando pa detene e antisocial(nan) mas lihe posibel. E castigo pa loke nan a haci ta di
un aña, pero mas keho tin, ta posibel cu esaki ta subi.

Lake a urgi pa muchanan no cana nunca nan so y pa nan warda nan mayornan den cura di scol y
no bay warda nan na un caminda cu nan ta of isola of ta para nan so. No tuma ningun risico cu ta
duna e hendenan aki chens pa haci nan daño.

Tambe e inspector ta haci un peticion na tur cabesante pa wak pa cosnan cu ta for di loke ta
normal y pa meld nan di biaha na polis.

No ta prome biaha cu polis ta haya nan mes cu casonan asina, pero e ultimonan tabata basta aña
pasa. E tipo di antisocialnan aki ta frecuenta rond di beach y e hotelnan y semper polis ta atento
ta tira bista pa e sorto di hendenan aki.

Esun(nan) cu ta haciendo esaki mester tin un problema mental pasobra un hende normal no ta
haci cosnan asina, Lake a expresa.

Finalisando el a pidi pa si wak un antisocial of un persona desconoci ta acerca un mucha, saca e
mucha di e situacion cu por ta potencialmente peligroso door di yam’e of busk’e for di banda di e
persona. Tambe papia cu muchanan pa nan no papia cu hende straño, si un hende straño bin
puntra nan algo bisa “mi no sa” y cana bay unda tin otro mucha of adulto conoci y nunca nunca
tuma cosnan di come of bebe for di hende cu nan no conoce.

Un accion cu ta spanta e antisocialnan di e tipo aki ta pa confronta nan, puntra nan kico nan ta
haci banda di scol, kico nan ta busca, pakico nan ta papia cu e mucha cu nan no conoce, kico ta
nan intencion. E confrontacion aki ta algo cu nan no ta gusta y ta descurasha nan pasobra nan no
gusta pa autoridadnan sa di nan cosnan, segun Lake.

Yama polis si wak algo fout rond di scol, Lake a conclui bisando. Polis mester di comunidad pa
yuda combati cosnan asina aki.

http://www.diario.aw/2015/06/apelacion-riba-comunidad-pa-yuda-gara-antisocialnan-pedofiel-
rond-di-scol/