Page 60 - KPA JUNE 9

Hobennan ta purba pasa droga tur manera na scol

Publication: Tuesday, 9 June 2015. Categoria: Policial
Te hasta scondi den pen

ORANJESTAD (AAN): Awendia e maldita droga ta yega tur caminda. Na scol tambe e tey
presente. For di edad jong tin mucha ta cuminsa huma marihuana sin pensa riba e
consecuencianan cu esaki por tin.
Ta purba tur manera pa e droga drenta scol. Nan ta inventa formanan cu nunca un adulto mes lo
pensa. Asina mes e ta logra. Pero awor cu Polisnan sa di e fenomeno aki ta bon tambe pa tira
extra bista riba e muchanan na scol. Pa otro scolnan e mester bira un eye opener.
Riba e foto aki por mira con e muchanan ta purba bende droga na scol. Ta hinca e pito cu ta
cigaria di marihuana lora den un pen. E pen aki no tin ink.
Un mucha cu yega scol cu su etui cu pen of un pen pega na su shirt dificilmente bo por pensa cu
ta marihuana e tin den dje.
Ta momento pa cierto hoben cu ta manda señalnan straño wordo controla. Riba e fotonan aki por
mira ademas di un sakito di marihuana tin tambe e pen cu e marihuana lora manera un cigaria
fini hinca den e tubo di pen unda e ink mester ta hinca. Mayornan esaki tambe ta algo cu boso
por capta. Hacie na tempo pa despues boso yiu no bai den caminda robez.
http://www.diario.aw/2015/06/hobennan-ta-purba-pasa-droga-tur-manera-na-scol/