Page 3 - AWEMAINTA

Dialuna, 18 Juni 2018 AWEMainta 3

Diescinco aña pa Colombiano cu a hinca Dominicana mata

DIABIERNA mainta Corte a anuncia e
decisionden e caso penal contra Fernando
Martinez Frias di 44 aa, kende a wordo acusa di
a hinca un homber mata, solamente pa motibo
di un problema den trafico.
Hues diabierna mainta a cuminsa pa bisa e
acusado cu a keda proba e acusacion contra di
dje di asesinato di sr. Mora. Na di dos luga, a
keda proba intento di asesinato di e amigo di e
fayecido, esta sr. Reina, kende a haya hinca den
su lomba.
E ponencia di e abogado cu un accidente cu el
a sufri den pasado a loague cu algun problema
den su cerebro, no a wordo acepta door di Corte.
Hues a bisa cu esey no ta liber’e di culpa di
loke cu a pasa aña pasa ora cu el a bebe burachi,
sinta tras di stuur y despues busca problema den
trafico entre su persona y e victima.
Hues a splica e acusado cu e homber Reina a haya
un hinca den lomba, pero no mester lubida cu e
hinca ey por a alcansa organonan importante y
causa mas daño. Pa loke ta e demanda di daño y
perhuicio, Hues a bisa cu e ta ordena e acusado
paga e gastonan di entiero di Mora, cu ta un poco
mas cu 7000 florin. Banda di esaki e mester paga
e homber Reina e suma di 1300 florin pa daño
material. Esaki tabata e dianan cu e no por a
traha y el a perde entrada. Banda di dje, Corte a
otorga na Reina un suma di 5 mil florin pa daño
inmaterial. Finalmente, Corte a bay di acuerdo
cu e castigo di Ministerio Publico, esta 15 aña,
kitando e tempo cu el a pasa cera. E acusado
despues di a scucha esaki, a lanta y bandona
sala, y no ta mustra cu e castigo a afecte.

Chauffeur a boks cu auto

cu el a caba di cumpra

Diadomingo den oranan di mainta trempan, un patruya
di polis ta wordo manda na Seroe Blanco na altura di e

apartamentonan banda di e cura di Setar.

Na yegada nan ta bin topa cu un chauffeur bou influencia
y ta bin compronde cu e chauffeur aki a dal contra dos
auto y un pickup staciona. Na prome instante e chauffeur

kier a bandona e sitio, pero su hood di auto a keda pega
bou di e baki di pickup y no por a move.

Segun e chauffeur, elo a cumpra e auto un dia pasa y no
tabata tin aseguro regla ainda. Mirando cu e chauffeur
tabata basta bou influencia, ela keda mesora deteni y

transporta pa warda di polis.