Page 5 - AWEMAINTA

Dialuna, 18 Juni 2018 AWEMainta 5

Di acuerdo cu estudio haci a conclui cu

Mas di 20% di Aruba su GDP ta bin di timeshare

DEN e estudio cu Aruba Timeshare Association
(ATSA) a laga traha, por a mira cu data cu a
wordo colecta den 2017, a duna un bista di e
industria di timeshare riba nos isla.
E raport a wordo traha den colaboracion cu

Aruba Tourism Authority, ATA, y a wordo
prepara pa Universidad di Aruba, UA.
En general, e estudio ta revela cu e clientenan di
timeshare ta hendenan mas grandi di edad, cu tin
un salario halto, y tin un tarifa di mantenimento
mas halto compara cu e industria di timeshare
global.

E resultadonan di estudio aki a conduci na algun
recomendacion interesante p’asina crea manera
nobo pa involucra e propietarionan di timeshare
den experiencia y actividadnan unico, p’asina
aumenta loke nan ta gasta riba nos isla y tambe
satisfaccion continuo di awor en adelante.

Ora e propietarionan di timeshare pasa of bende
nan timeshare ora nan bira grandi lo tin un

rumbo nobo cu por yuda pa continua e historia
largo di exito di timeshare na Aruba.
E recomendacionnan ta wordo splica den detaye
den e conclusion di e articulo aki, y tambe den
un proximo articulo.
Ta importante pa nota cu timeshare ta un di
e componentenan esencial di actividadnan

turistico den diferente destinacion turistico,
incluyendo Aruba.

Timeshare ta un di e contribuyentenan
significativo na nos economia local pa mas di 40
aña. Y mientras cu e industria di timeshare a bin
ta experiencia un crecemento substancial den e
ultimo decadanan na nivel mundial, timeshare
na Aruba a experiencia tiki crecemento compara

cu e industria di timeshare global, y esey ta
principalmente debi n’e oferta limita di e
producto.

Unidadnan di timeshare ta representa mas cu
40% di e inventario total di kambernan na Aruba,
den diesseis (16) propiedad cu aproximadamente

3712 unidad.
Na 2017, un poco mas di 28% (299,909) di tur
e bishitantenan (1,070,548) di Aruba a aloha na
un timeshare hotel.
E porcentahe promedio di ocupacion pa
propiedadnan di timeshare na Aruba te cu
recientemente ta mas halto cu esnan di e
industria di hotelnan en general. E ocupacion
di e industria di timeshare na Aruba yega 85%.