Page 6 - AWEMAINTA

6 AWEMainta Dialuna, 18 Juni 2018

Manera tabata di spera

Ivan Duque eligi como e proximo Presidente di Colombia

PROME cu 7 or di ayera nochi, a bira conoci
cu Ivan Duque di Centro Democratico a keda
eligi como e Presidente di Colombia, hunto cu e
prome dama, cu lo bira e prome Vice Presidente,
Marta Lucia Ramirez. Ivan Duque a haya
53.96% di e votonan y asina a keda eligi.
Maske cu hopi ta mira Ivan Duque como alumno
di ex Presidente Alvaro Uribe, cu ta motibo cu ta
bisa cu Uribista a bolbe na poder y p’esaki nan
tin cierto preocupacion.

E hecho cu el a keda eligi ta sigur p’e hecho cu
hopi no por a confia Gustavo Petro a ser mira
como un persona di e ala izquierda, amigo di
Nicolas Maduro.

Pa loke ta eleccion na Aruba, Ivan Duque a gana
tambe, unda e Colombianonan tambe a vota
pa Ivan Duque, maske cu e biaha aki, menos
Colombiano a acudi na urna electoral na Aruba.
Esaki lo por ta pa dos factor, ayera tabata Dia di
Tata y weganan di futbol mundial.