Page 6 - Min On 17 SEPT,2015

Gobierno a presenta e liñanan grandi, su vision con ta ataca e retonan, pero aunke cu e
gremionan ta sostene esaki, “nos kier was si, bo sa, e cos specifico cu nos a sinta originalmente
riba dje worde ehecuta tambe a corto plazo,” Henriquez a bisa.

E gremionan a splica e ministernan cu “ey fo” tin e impresion cu nada ta worde haci. Den e
reunion a bin dilanti cu e caso ta cu cierto cosnan ta worde haci. “Pero mi ta kere e ta tuma di
nan parti tambe pa ilustra esey, bin dilanti, mustra cifra,” Henriquez a añadi. El a splica cu loke
pues falta ta pa e informacion worde comparti cu comunidad.

El a bisa cu loke por a wak den e presentacionnan ta cu e tendencia ta baha.

E president di ATIA a duna un “pluimpje” pa Cuerpo Policial, pa con nan ta atende atraconan y
tur criminalidad. El a agrega cu loke ta laga di desea ta con ta comunica e resultadonan na e
comunidad y gremionan, pasobra si nan ta mas altanto e percepcion ta cambia y tin menos keho
riba nan.

http://www.diario.aw/2015/09/high-season-ta-den-porta-y-gremionan-kier-wak-ehecucion-di-plannan/