Page 19 - AM250219

Diaranson, 19 Februari 2025 AWEMainta INTERNACIONAL 19

Merca y Rusia ta dialoga na Saudi Arabia

Excluyendo Ucrania

DEN un desaroyo diplomatico significante, oficialnan di
alto rango di Merca y Rusia ta programa pa reuni na Riyadh,

Saudi Arabia, diamars 18 di februari 2025, pa discuti posibel
solucionnan p’e conflicto actual na Ucrania. Notablemente,
representantenan di Ucrania y nacionnan Europeo no a
wordo invita pa participa den e discusionnan aki, un deci-

sion cu a genera controversia y preocupacion considerabel
entre e partidonan exclui.

E delegacion di Merca lo wordo lidera pa Secretario di

Estado Marco Rubio, Consehero di Siguridad Nacional Mike
Waltz y Enviado Special pa Medio Oriente Steve Witkoff. Di
parti di Rusia, Minister di Asuntonan Exterior Sergei Lavrov y
assistent di Kremlin Yuri Ushakov ta spera di asisti. E obhe-

tivo principal di e reunion aki ta inclui establece e base pa
un posibel cumbre entre Presidente di Merca y Presidente
Ruso Vladimir Putin, como tambe explora camindanan pa
de-escala e guera di casi tres aña na Ucrania.

E exclusion di Ucrania for di e conversacionnan aki a
provoca un reaccion fuerte di parti di Presidente Ucraniano
Volodymyr Zelenskyy. El a enfatisa cu Ucrania no a wordo

consulta ni informa tocante e reunion, declarando: “Nos no
por reconoce ningun acuerdo tocante nos sin nos.” Zelenskyy
a subraya cu cualkier negociacion di paz realisa sin e envolvi-
mento di Ucrania lo wordo considera ilegitimo y inaceptabel

pa su gobierno.

Lidernan Europeo tambe a expresa alarma riba nan exclusion
for di e negociacionnan. E reciente Conferencia di Siguridad

di Munich a destaca e preocupacionnan aki, cu e Vice
Presidente di Merca JD Vance criticando nacionnan Europeo
pa retira for di balornan comparti y sugeriendo cu nan lo no
ta involucra den negociacionnan di Ucrania. E postura aki a

laga aliadonan Europeo sintiendo isola y cauteloso tocante
e posibel resultadonan di e combersacionnan entre Merca y
Rusia.

E decision pa tene discusionnan bilateral sin e envolvim-
ento directo di Ucrania y paisnan Europeo a lanta pregun-
tanan tocante e legitimidad y eficacia potencial di cualkier
acuerdo alcansa. Criticonan ta argumenta cu excluyendo

stakeholders clave ta mina e perspectivanan pa un resolu-
cion comprensivo y duradero p’e conflicto. Mientras Merca y
Rusia ta prepara p’e combersacionnan crucial aki, e comu-
nidad internacional ta observa di cerca, consciente cu e

resultadonan por impacta significativamente e panorama
geopolitico y e futuro di Ucrania.