Page 38 - AM250219

38 BONEIRO AWEMainta Diaranson, 19 Februari 2025

Aumento di impuesto aereo lo afecta

e islanan di Caribe gravemente

E gobierno Hulandes tin pensa di aumenta e impuesto riba
vuelo di distancia largo significativamente entrante 2027. Cu
e medida aki, ta spera pa recauda 248 miyon euro adicional
na impuesto. Aunke e reduccion di e emisionnan di CO2 ta

menciona como un beneficio adicional, e obhetivo principal
lo aumenta e entradanan estatal.

E decision aki lo tin un impacto fuerte den e conexionnan

cu Caribe Hulandes. P’e habitante di e islanan, biaha pa
Hulanda no ta un luho, sino un necesidad. E subida di prijs di
e pasashinan por dificulta ainda mas e biahenan, afectando

e economia y complicando e bishitanan familiar, estudio y

negoshi.

Yamada na participacion den consulta publico
Gobierno a habri un consulta riba su website permitiendo e

ciudadanonan expresa nan opinion riba e proposicion. For di
e islanan, ta pidi pa establece un excepcion manera Francia
a haci cu su teritorionan den Caribe. E argumentonan ta
inclui e impacto economico negativo rib’e islanan y e contri-

bucion abao di e rutanan Caribense n’e recaudacion total di
e impuesto.

Fuera di esey, e pasaheronan aereo ya a subi door di otro

factor, manera e incorporacion di combustibel sostenibel y
e costonan di compensacion di CO2. Actualmente mayoria
di e reaccionnan den e consulta ta bin di Hulanda, mien-
tras cu e efectonan den Caribe Hulandes apenas ta wordo

menciona.

P’esey, ta pidi e habitantenan di e islanan pa participa den e
consulta y expresa nan preocupacion den Overheid.nl.

Fuente: Bonaire.nu