Page 16 - awem

16 AWEMainta Diamars, 10 November 2015

Parlamentario Jennifer Arends-Reyes

E ley di centro di cuido
di mucha ’crèche’ a
yega Parlamento

SRA. Jennifer Arends-Reyes a tuma nota di e grato noticia cu porfin despues di

a pasa un procedura bastante largo awe por bisa cu e concepto di ley di crèche
a yega Parlamento.
Durante basta aña tabatin e deseo di a mira e ley aki bira un realidad na
Aruba.

Hopi biaha na momento cu tin casonan
lamentable e discusion ta bin ariba cu mester mas
control y reglanan cu cada centro di cuido di mucha
mester cumpli cun’e, pero e ley a tuma su tempo.

Pronto tur centro di cuido cu ta conta cu 5 mucha of mas mester tin nan
permiso, mester ta registra y mester ta cumpli cu rekisitonan basico pa e.o.
seguridad, higiena y desaroyo di nos muchanan na Aruba.

Desde cu sra. Arends-Reyes a drenta Parlamento e kier a wak e ley aki
bira un realidad pa Aruba mirando cu nos como isla mester por tin un
mihor bista riba cuido di nos muchanan.
Esaki tabata un recomendacion tambe di Unicef.

Durante tratamento di presupuesto di pais Aruba 2015 sra. Jennifer
Arends-Reyes a presenta un mocion den nomber di fraccion di AVP
pa pon’e e ley di centro di cuido di muchanan como un prioridad
p’e por keda cla pa yega Parlamento y no core e risico p’e keda
den lachi warda.

E mocion aki a conta cu sosten
unanime di e 21 miembronan di Parlamento.

Recientemente sra. Jennifer Arends-Reyes a manda pregun-
tanan oficial pa Minister encarga cu e concepto di ley aki
mirando cu el a conoce un tardansa y no lo kier mira mas
tempo pasa p’e concepto keda cla.

Pronto e comisionan encarga lo cuminsa papia cu e instan-
cianan concerni y lo studia e ley aki mas di serca p’asina e
wordo trata. Esaki lo ta un logro grandi den bienestar di nos
muchanan na Aruba!