Page 61 - MIN ARENDS

Debate politico pa millennials cu 10 partido politico

Wednesday, 14 June 2017 18:28
Comparti

E evento Debate Politico Constructivo “Millennial Edition” lo ta un anochi organisa door di "Millennials"
pa "Millennials". Un anochi unda cu Lidernan di partido lo haya preguntanan basa riba diferente topico
cu ta di suma importancia pa millennials.

Basa riba e idea aki nos a forma un focus group di mas o menos 20 millennials pa traha un encuesta y
asina abase di e resultadonan escoge e preguntanan pa e anochi aki. E objectivo ta pa informa e publico
en especial e “millennial voters” riba e vision di cada partido, asina como votador tur por keda bon
informa y tin un bista mas amplio pa yudanan cu nan decision di voto. E debate lo tuma luga dia 13 di juli
2017, na Cas di Cultura for di 7:00pm pa 11:00pm. Porta ta habri 6:00pm y e evento lo cuminsa 7:00pm
enpunto. Carchinan ta Afl.10,- y disponibel na Colab Workspace (Anasastraat #4) for di 10:00am pa
4:00pm di Dialuna pa Diabierna. Despues di 30 di Juni, 2017 karchinan lo bira Afl. 15,-. Por cumpra
maximo 2 ticket pa persona y ta rekeri un identification valido. page1image16000 Tur pregunta lo wordo
hasi door di e Moderator. E moderator lo controla e debate, tempo y segura cu e Lidernan di partido keda
alcaso y no falta otro respet. (si esaki pasa e mic lo wordo paga y e Lider lo perde e oportunidad pa
duna/finaliza su respuesta). E idea tras di e debate aki ta pa informa e publico/millennials riba e partido
su vision y solushon riba e topiconan y preguntanan di e anochi. E idea ta pa e debate bira uno
sumamente informativo, educativo y positivo. Participantantenan confirma ta ABO (Elton Lioe A Tjam),
AVP(Mike Eman), CURPA (Cristina Lampe), MAS (Holmo Henriquez), MEP (Evelyn Wever Croes), POR
(Otmar Oduber), RAIZ (Lider di partido), RED (Ricardo Croes), UPP (Raymond Hernandez) y PPA
(Benny Nisbet). Tambe por bishita e pagina di Facebook: Encuentro Politico Constructivo cu tey pa yuda
informa e pueblo di Aruba en especial “Millennial Voters pa medio di entrevista, encuentro, rueda di
prensa, debate y mucho mas!